HANDBALLGLEDE: F.v. Eline Søreide Helland (7), Tomine Helland Hagen (6) og Ellinor Stien Instøy (7) er ikkje kjend med handball frå før, men etter handballskulen søndag, i regi av Tysnes Idrettslag, fekk jentene meirsmak. (Alle foto: Ella Sandra Dahl Berland)
HANDBALLGLEDE: F.v. Eline Søreide Helland (7), Tomine Helland Hagen (6) og Ellinor Stien Instøy (7) er ikkje kjend med handball frå før, men etter handballskulen søndag, i regi av Tysnes Idrettslag, fekk jentene meirsmak. (Alle foto: Ella Sandra Dahl Berland)

Skapte handball-iver hjå dei minste

Mange i 1. klasse fekk sitt første møte med handball søndag, då Tysnes Idrettslag arrangerte handballskule for 1-4. klasse.
Publisert 17.09.2019 kl. 15.00.

– Det er gøy å læra nye ting, seier Tomine Helland Hagen (6).

Ho fekk prøva handball for første gong då ho var med på handballskulen i Tysneshallen søndag.

Ho deltok med Eline Søreide Helland (7) og Ellinor Stien Instøy (7). Dei har prøvd handball éin gong før. Alle tre lærte mykje nytt om handball på opplegget søndag.

– Me har lært å kasta ballen, hiva i mål, og springa og pakka ballen, fortel jentene.


Vil fortsetja å spela

Det var totalt rundt 50 deltakarar, og rundt sju instruktørar på arrangementet søndag. Deltakarane blei fordelt på ulike stasjonar med øvingar den første timen, før det blei pause med frukt og drikke. Til slutt spelte borna interne kampar. Alle som deltok fekk med seg kvar sin handball heim.

– Det gøyaste i dag var å spela kamp mot kvarandre, og me hadde ingen vinnarar eller taparar, smiler jentene.

– Me kunne godt tenkt oss å byrja å spela handball, fortel dei.


Fleire foreldre

Og akkurat det var målet til Tysnes Idrettslag, som håpte at handballskulen vil bidra til meir aktitivet i klubben.

– Me håpar at handballskulen er ein god start, og at borna vil hugsa dette som noko kjekt, seier Atle Birkeland i idrettslaget.

Han fortel at dei ønskjer å skapa ei positiv ramme rundt sporten, så fleire får lyst til å driva med dette.

– Eg synest det er kjekt å sjå at mange av dei som byrja å spela handball i 1. klasse, er med som instruktørar i dag, fortel han.

Han håpar òg å få med endå fleire foreldre for å bidra til meir aktivitet.

– Me er heilt avhengige av foreldra for å skapa idrettsglede. Ein treng ingen forkunnskapar for å driva med dette, avsluttar han.


INSTRUKTØRAR: Anna Birkeland (11), Ronja Sløgedal (11) og Yosan Ngusse (13) var blant sju instruktørar som lærte frå seg handball til deltakarane.
INSTRUKTØRAR: Anna Birkeland (11), Ronja Sløgedal (11) og Yosan Ngusse (13) var blant sju instruktørar som lærte frå seg handball til deltakarane.
KOORDINASJON: Åtteåringane Bertine Dalland og Helene Støle fekk læra mange handballteknikkar på handballskulen søndag. Her øvde dei koordinasjon ved å pakka ball rundt kjegler.
KOORDINASJON: Åtteåringane Bertine Dalland og Helene Støle fekk læra mange handballteknikkar på handballskulen søndag. Her øvde dei koordinasjon ved å pakka ball rundt kjegler.
STIGE-ØVINGA: Linnea Emilie Frøyseth Olsen (9) og Jimmy Bakke (7) øvde på steg og tempo med den såkalla stige-øvinga.
STIGE-ØVINGA: Linnea Emilie Frøyseth Olsen (9) og Jimmy Bakke (7) øvde på steg og tempo med den såkalla stige-øvinga.

Siste saker Gå til framsida

– Veldig skummelt

Hanne Sofie (11) og Milla (9) spelte heilt åleine for ein fullsett kulturkyrkje på den årlege julekonserten til Onarheim Musikklag.

Leiar: Skulesatsing er viktig for lokal optimisme

Tysnes kommune satsar 70 millionar på eit flunkande nytt mellomtrinn på Tysnes skule. Det er ei offensiv og positiv satsing på skulen i Tysnes.I sist veke blei det kjent at det er det byggjefirmaet Leigland Bygg frå nabokommunen Fusa som får oppdraget. Kontrakten skal skrivast under i komande veke. Då skal alt...

Starta ein ny tradisjon

Då Maren (10) skulle opptre på julekonserten i Tysnes kyrkje i kveld, blei ein ny tradisjon skapt for familien Lunde.