SAMRØYSTES: Eit samrøystes fylkesutval gjekk i ettermiddag inn for at Tysnes misser ein ekstra rundttur på begge ferjesambanda til og frå Tysnes. (Foto: Øyvind Bjerkestrand)
SAMRØYSTES: Eit samrøystes fylkesutval gjekk i ettermiddag inn for at Tysnes misser ein ekstra rundttur på begge ferjesambanda til og frå Tysnes. (Foto: Øyvind Bjerkestrand)

Tysnes misser ein ferjeavgang på Hodnanes-Jektevik og ein avgang på Våge-Halhjem

BERGEN: Eit samrøystes fylkesutval har i dag gjort endeleg vedtak i ferjesaka. Det fylkesutvalet har gått inn for, tyder at det frå 2020 blir det ein rundtur mindre enn i dag på både Hodnanes-Jektevik-Nordhuglo og på Våge-Halhjem.
Publisert 19.09.2019 kl. 14.36. Oppdatert kl. 15.10.

Det tyder at fylkerådmannen sitt framlegg om kutt i ferjerutene til og frå Tysnes ikkje blei vedteke. Samanlikna med Skyss sitt siste forslag frå juli, blir det no fire ekstra rundturar på Hodnanes-Jektevik-Nordhuglo. Det var KrF som sette fram framlegget som blei vedteke.

Det skal vera ein dialog med kommunen når desse avgangane blir.

Fleire frå Tysnes var tilhøyrarar under handsaminga i fylkesutvalet, mellom dei ordførar Kåre Martin Kleppe og komande varaordførar Arne Leite. – Eg trur dette var det beste me kunne håpa på i dag, seier ordførar Kåre Martin Kleppe.

Både Kleppe og Leite er rimeleg godt nøgde med vedtaket.

– Det er uansett ikkje greitt å kutta i rutene, men eg er glad for at me no får gjort det beste ut av situasjonen, seier Kleppe.

Til stades på møtet var og Arnhild og Sigmund Hovland frå pendlarane.

– Me hadde sjølvsagt håpt på full utteljing, men viss ein ser realistisk på den situasjonen me er komne i, så er me nøgde med at det berre blir ein rundtur mindre, kommenterer Sigmund Hovland.

Begge er letta over at politikarane vil redda mesteparten av rutetilbodet.

– No kan eg fortsetja i jobben og framleis bu på Tysnes, seier Arnhild Hovland, som til dagleg jobbar som sjukepleiar på Stord.


Siste saker Gå til framsida

Leiar: Kor lang tid skal det gå før undervass-skjera ved Horso blir merka?

I sist veke skjedde det igjen, for n’te gong. Ein fritidsbåt grunnstøytte på skjeret Horso, ved Gjerslingane, nord for ferjekaien i Våge. Fritidsbåten Risøy frå Varaldsøy med tre familiemedlemer Årvik om bord var dei uheldige denne gongen. Dei skulle frå Varaldsøy til Fitjar, og var innom Våge éi natt. Smellen førte...

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...