NYTT SAMLINGSPUNKT: Alsaker Fjordbruk spanderer lunsj på seniorane på OnarTun kvar tysdag framover. Frå venstre: Freddy Jensen og Torhild Tveitstul Jensen, Inglaug Holme, Sylvi Lien og Kjell Arild Lien (Alle foto: Ella Sandra Dahl Berland)
NYTT SAMLINGSPUNKT: Alsaker Fjordbruk spanderer lunsj på seniorane på OnarTun kvar tysdag framover. Frå venstre: Freddy Jensen og Torhild Tveitstul Jensen, Inglaug Holme, Sylvi Lien og Kjell Arild Lien (Alle foto: Ella Sandra Dahl Berland)

Nye rekruttar til seniorlunsj

Torhild og Freddy Jensen skulle berre fylla bensin og kjøpa seg ein is.
Publisert 21.09.2019 kl. 13.00.

– Og så hamna me midt oppi ein seniorlunsj. Dette var jo veldig koseleg! seier Torhild og Freddy.

– Gerhard Alsaker gjer mykje godt for Tysnes, og dette er eit veldig positivt tiltak, smiler dei.


Positivt samlingspunkt

For tre tysdagar sidan, den 3. september, starta OnarTun opp med gratis seniorlunsj. Lunsjen er sponsa av Alsaker Fjordbruk. Alle som er med, kan nytta seg av gratis OnarTrim kvar tysdag.

– Det er veldig kjekt at det er nokon som tenkjer på oss eldre, smiler Sylvi Lien.

Ho og mannen Kjell Arild har vore to gongar på seniorlunsj, og kjem til å halda fram.

Inglaug Holme er på seniorlunsj for første gong.

– No som eg endeleg er komen meg av gårde, kjem eg til å fortsetja. Eg synest det er positivt at me har fått eit samlingspunkt som dette, smiler ho.


Takksame

– Etter lunsj kan me gå på OnarTrim og trena gratis, smiler Sylvi.

– Me får sjå litt seinare då, når det blir kaldare i vêret. For no er me mykje ute og går tur, legg Inglaug til.

Dei er takksame for at OnarTun og Alsaker har etablert ein ny møtestad for seniorar.

– Det er godt med ein slik møteplass, at ein kan komma saman på denne måten, meiner Kjell Arild.

– Når ein er pensjonist, kan det vera lett for å isolera seg litt. Dette vil me anbefala til andre òg, avsluttar Sylvi.


Aukar på

– Responsen har vore veldig positiv, seier dagleg leiar ved OnarTun, Lea R. Qvistgaard.

Deltakartalet har auka på for kvar gong. Då «Tysnes» vitja seniorlunsjen på tysdag var det rundt 40 til stades, som er nesten ti meir enn førre tysdag.

– Tanken bak dette er er å samla dei eldre. Nokre er flinke til å møtast, og nokre sit heime og veit ikkje heilt kor dei skal gjera av seg. Når dei har eit slikt tilbod, veit dei i alle fall at tysdag samlast ein gjeng dei kan ha kontakt med, smiler Lea.

Det er dei på 60+ som er målgruppa for seniorlunsjen.

– Men er du 55 år og smiler pent, går nok det veldig fint, ler ho.


Meir på gang

Lea trivst med at det er meir aktivitet på OnarTun, og det stoppar ikkje med seniorlunsj og OnarTrim.

– Dette er eit senter med mykje potensiale som me må klara å utnytta. Og det gir meg veldig mykje energi å yta service, seier ho.

– Ein må tenkja nytt heile tida, i alle fall når det går mot haust og vinter, slik at dei eldre kan ha noko å gå til, og at det er noko som skjer i bygda.

– Har du nokre andre ting på gang?

– Det har eg. De må venta i spenning, avsluttar ho.


FORNØGDE: Reidun Økland og Grethe Pettersen synest at seniorlunsj er eit fantastisk tilbod. – Det er god mat, og veldig sosialt, seier dei.
FORNØGDE: Reidun Økland og Grethe Pettersen synest at seniorlunsj er eit fantastisk tilbod. – Det er god mat, og veldig sosialt, seier dei.
ENERGISK: Lea Rehling Qvistgaard, dagleg leiar ved OnarTun, er glad for den gode responsen på seniorlunsjen. Ho trivst med at det skjer mykje, og tysdag sprang ho frå kassa på Joker og til kjøkenet for å førebu seniorlunsjen.
ENERGISK: Lea Rehling Qvistgaard, dagleg leiar ved OnarTun, er glad for den gode responsen på seniorlunsjen. Ho trivst med at det skjer mykje, og tysdag sprang ho frå kassa på Joker og til kjøkenet for å førebu seniorlunsjen.
AUKAR PÅ: Tysdag var det rundt 40 som møttest på seniorlunsjen på OnarTun. Gongen før var det rundt 30.
AUKAR PÅ: Tysdag var det rundt 40 som møttest på seniorlunsjen på OnarTun. Gongen før var det rundt 30.

Siste saker Gå til framsida

Jula er på veg

No byrjar juleprodukta å snika seg inn i butikkane, og «Tysnes» har observert både julebrus, kakemenn, julebrød og julepynt.

Forsømd båt i Humlevika

Svein Johannesen har tipsa oss om denne båten, som blei lagt i ein bøye i Humlevika mellom Galanten og Nes sommaren 2017. – Me har i desse åra aldri observert folk i båten. No i helga la me merke til at båten byrjar å få slagside, og det viser seg at presenningen er morkna og har store hol, slik at regnvatn fyller opp båten, skriv Johannesen. Med dette biletet på nett og papir...

– Spesielt å vera tilbake igjen

Isabel Epland Østby var éin av tysnesingane som tok turen «heim» då koret Ichtus frå Stord hadde songkveld i Jensvoll bedehus torsdag kveld.