STADIG AKTUELL: Ingelin Røssland er blant forfattarane som er med på årets Falturiltu-festival. Denne «superforfattarselfien» har ho teke i samband med at ho startar opp med online-foredrag for forfattarspirer. (Foto: Privat)
STADIG AKTUELL: Ingelin Røssland er blant forfattarane som er med på årets Falturiltu-festival. Denne «superforfattarselfien» har ho teke i samband med at ho startar opp med online-foredrag for forfattarspirer. (Foto: Privat)

Ingelin Røssland til Falturiltu

Publisert 26.09.2019 kl. 12.24. Oppdatert kl. 20.34.

1.-8. november går den nynorske ungdomsbokfestivalen Falturiltu av stabelen, med hovudsete på Stord. Eit rikhaldig program er no spikra, og utflytta tysnesing Ingelin Røssland er ein av mange deltakande forfattarar.

«Ungdomsskuleelevane på Fitjar og Tysnes får bokbada ungdomsbokforfattarane Terje Torkildsen og Ingelin Røssland», kan ein lesa på falturiltu.no. Røssland vert også å sjå og høyra under eit seminar med Widar Aspeli, der ein kan plukka opp tips til å bli ein betre formidlar av eigne bøker.

– I samband med Falturiltu kjem eg også til å lansera OMG, ein ungdomsroman med handling lagt til Tysnes, opplyser Røssland til oss.

Årets festival byr elles på gjenferdsdans, riding, bursdagsfest for månelandinga, vaksenbokkveld og mykje meir. Ewa Weel Skram og Helge Jordal er blant dei godt kjende namna i programmet, og Marit O. Kaldhol er festivalforfattar. Det er berre å lesa seg opp på kva ein vil få med seg, her vert det heilt klart noko for alle.


Siste saker Gå til framsida

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...