KJEM TILBAKE: Hellbillies, og frontfigur Aslag Haugen, spelte under Tysnesfest sist i 2018, og kjem tilbake neste sommar. (Arkivfoto: Ingunn Gjærde)
KJEM TILBAKE: Hellbillies, og frontfigur Aslag Haugen, spelte under Tysnesfest sist i 2018, og kjem tilbake neste sommar. (Arkivfoto: Ingunn Gjærde)

Dobbelt artistslepp

To rutinerte band er klare for retur til Tysnesfest i 2020.
Publisert 29.09.2019 kl. 14.38. Oppdatert kl. 15.00.

Etter at Tix allereie i juli vart lansert som fyrste artist til Tysnesfest neste år, er no to nye band stadfesta klare for festivalen. Både Hellbillies og CC Cowboys har spelt på Gjerstad tidlegare, og Tysnesfest-leiar Øystein Vaage er godt nøgd med bookinga.

– Det er utruleg kjekt å koma skikkelig i gang med artistslepp, og spesielt å kunne lansera desse to banda som har gjeve oss svært kjekke opplevingar på Gjerstad tidlegare, seier han.

Hellbillies besøkte Tysnes sist i 2018, då dei steppa inn som erstattarar for Elvis Costello, og var også på Gjerstad i 2016. Ål-gruppa vart starta opp i 1990, og feirer med det 30-årsjubileum når dei kjem til Tysnes neste sommar.

Hellbillies har prega norske hitlister gjennom dei 30 åra, og er spesielt kjent for hiten «Den finaste eg veit».

Også Fredrikstad-rockarane i CC Cowboys feirer 30 årsjubileum neste år, då det er 30 år sidan dei platedebuterte med albumet «Blodsbrødre». Dei returnerer til Tysnesfest for fyrste gong sidan 2012.

– Begge banda er levande legender, og begge har herja hitlistene i 30 år. I 2020 var det ein sjølvsagt sak for oss å invitera CC Cowboys og Hellbillies til Tysnesfest, fortel Vaage.

Dermed er tre band/artistar lansert til Tysnesfest 2020, men Vaage opplyser at fleire også er klare for lansering.

– Me har allereie mange fleire namn som er bekrefta, seier han.


JUBILEUM: CC Cowboys er også stadfesta for Tysnesfest, 30 år etter at debutalbumet «Blodsbrødre» vart gjeve ut. (Pressefoto: Raymond Mosken)
JUBILEUM: CC Cowboys er også stadfesta for Tysnesfest, 30 år etter at debutalbumet «Blodsbrødre» vart gjeve ut. (Pressefoto: Raymond Mosken)

Siste saker Gå til framsida

– Veldig skummelt

Hanne Sofie (11) og Milla (9) spelte heilt åleine for ein fullsett kulturkyrkje på den årlege julekonserten til Onarheim Musikklag.

Leiar: Skulesatsing er viktig for lokal optimisme

Tysnes kommune satsar 70 millionar på eit flunkande nytt mellomtrinn på Tysnes skule. Det er ei offensiv og positiv satsing på skulen i Tysnes.I sist veke blei det kjent at det er det byggjefirmaet Leigland Bygg frå nabokommunen Fusa som får oppdraget. Kontrakten skal skrivast under i komande veke. Då skal alt...

Starta ein ny tradisjon

Då Maren (10) skulle opptre på julekonserten i Tysnes kyrkje i kveld, blei ein ny tradisjon skapt for familien Lunde.