TURENTUSIASTAR: Ragnhild og Olav Storesætre er ivrige turgåarar. Tysdag i sist veke kunne dei notera tur nummer 500 og 1.000 til Blåbærhaugen så langt i 2019. (Innfelt foto: Helen Skaten Hystad. Bakgrunnsfoto: Janne Hatteberg)
TURENTUSIASTAR: Ragnhild og Olav Storesætre er ivrige turgåarar. Tysdag i sist veke kunne dei notera tur nummer 500 og 1.000 til Blåbærhaugen så langt i 2019. (Innfelt foto: Helen Skaten Hystad. Bakgrunnsfoto: Janne Hatteberg)

500 og 1.000 turar til Blåbærhaugen

Ekteparet Ragnhild og Olav Storesætre er turgåarar på sin hals. I år er det Blåbærhaugen som er det store turmålet.
Publisert 29.09.2019 kl. 06.00.

Til «Tysnes» kom ut på torsdag, rekna dei med å ha høvesvis 516 og 1.016 turar så langt i 2019.

– Eg går for å halda meg i form. Det er lett å gå ein tur til Blåbærhaugen, uansett ver og vind, seier Ragnhild.

Olav hadde eit klart mål for 2019. Han skulle setja ny rekord, og slå rekorden til Gerald Kuderski på 806 turar frå 2018.

No er rekorden frå i fjor passert med god margin.

– No går eg for å få flest mogeleg turar, slik at rekorden min blir vanskeleg å slå, seier han, med glimt i auga.

Då «Tysnes» snakka med det turglade ekteparet på telefon måndag ettermiddag, var dei på tur i Tysnesfjella.

– Det er utruleg flott på fjellet i dag, er den klare tilbakemeldinga.

Eit av måla med fjellturen var å sjå etter sauer. Og sauer fann dei.

– Me kom over ein flokk på 17 som tilhøyrer Per Arnt Vattedal. No håpar me at me får flokken med oss ned til Vattedal, fortel dei på telefon frå fjellet.

Etter fjellturen hadde dei planlagt eit par turar til Blåbærhaugen om kvelden.

– Det blir vel eit par turar kvar dag. Me går ofte to turar når me fyrst tek turen, røper Ragnhild.

– Kva er målet ditt då?

– Eg hadde eit mål om 365 turar i 2019. Det har eg jo passert godt no. Nei, kva skal eg seia om nytt mål, kanskje klarar eg 700 turar, seier ho og ler godt.

Olav sitt mål no er 1.200 turar til Blåbærhaugen i 2019.


Siste saker Gå til framsida

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.

Lesarinnlegg angåande dette koronaviruset

Synest det blir i mestelaget med «skremselspropaganda» no for tida. Eg er så gamal at eg hugsar kor klok den gamle kyrkjebøna var: «Fri oss frå pest og hunger. Gje oss godt og tenleg vêr. Fri oss frå ein vond og brå død. Vêr hos dei som strir med døden. Men så fann dei på at me behøvde ikkje be om det, for penicillinet var kome, og den drepte alle bakteriar. Ja, straks etter dei forandra på...