NYTT TAP: Roy Skaten, og resten av a-laget, fekk ein god start i oppgjeret mot Søre Neset laurdag, men enda opp med eit nytt tap. (Alle foto: Camilla Korsnes)
NYTT TAP: Roy Skaten, og resten av a-laget, fekk ein god start i oppgjeret mot Søre Neset laurdag, men enda opp med eit nytt tap. (Alle foto: Camilla Korsnes)

Mista tomålsleiing

Njardar fekk ein pangstart i kampen mot Søre Neset, men gjekk til slutt på eit nytt tap.
Publisert 30.09.2019 kl. 11.59.

Etter å tapt heile 1–10 borte mot Rosendal førre helg, var a-laget til Njardar/Tysnes ute etter revansje mot Søre Neset på Reiso laurdag. Med få kampar igjen av sesongen er kvart poeng viktig dersom laget skal behalda plassen i 6. divisjon.

Mot Søre Neset såg det tidleg ut som Njardar kunne gå mot sin fyrste siger sidan slutten av august. Etter berre 17 minutt sende Alexander Gjerstad Kleppe gultrøyene i føringa, før Emre Hagen dobla leiinga fire minutt seinare etter ein gjennombrotspasning frå Arild Storesætre.

Søre Neset reduserte éin gong før pause, men det var heimelaget som kunne starta andre omgang i leiinga 2–1.

Njardar vart tidleg sett under press etter sidebyttet, og keeper Kjartan Hagen måtte ut i full strekk to gongar i opningsminutta av omgangen. Det tok likevel ikkje lang tid før utlikninga var eit faktum, då Søre Neset i det 51. minutt sette ballen i mål etter eit innlegg frå høgresida.

Søre Neset forsette å pressa, og i det 68. minutt gjekk bortelaget opp i leiinga 2–3. Njardar klarte aldri å svara, og fire minutt før full tid fastsette osingane resultatet til 2–4.

Njardar ligg dermed framleis på sisteplass på tabellen, to poeng bak Eikelandsfjorden og fire poeng bak Nore Neset/Lysekloster 2. Dei to sistnemnde skal møtast i kveld, måndag, til ein uhyre viktig kamp i nedrykkstriden.

Dersom Njardar skal klara å behalda plassen, er laget avhengig av gode resultat mot Bergkrystall og Viggo i dei to siste kampane, i tillegg til at Eikelandsfjorden og Nore Neset/Lysekloster 2 gjev frå seg poeng. Medan Njardar tapte mot Søre Neset, klarte Trane som fyrste lag i avdelinga å sikra opprykk til 5. divisjon med uavgjort mot Viggo.

(Til opplysning: Journalisten speler sjølv på Njardar/Tysnes sitt a-lag)


Kampfakta:

Njardar/Tysnes – Søre Neset, 28.09.19 - 15:30, Reiso kunstgras

Resultat: 2 – 4 (2 – 1)

Målscorarar Njardar: Alexander Gjerstad Kleppe, Emre Hagen

Startoppstilling Njardar: Kjartan Hagen – Sjurd Sandvik Pedersen, Birger Gilje, Ørjan Malkenes, Roy Skaten – Børge Pedersen, Lasse Aarland Skulstad, Thomas Hagen, Arild Storesætre – Emre Hagen, Alexander Gjerstad Kleppe

Innbyttarar: Oddvar Thuen


Tabell: 6. divisjon, avdeling 3 (spelte kampar i parentes):

1. Trane, 38 poeng (16)

2. Søre Neset, 32 poeng (15)

3. Viggo, 31 poeng (16)

4. Halsnøy, 26 poeng (15)

5. Laksevåg, 20 poeng (16)

6. Rosendal, 18 poeng (16)

7. Bergkrystall, 18 poeng (16)

8. Nore Neset/Lysekloster 2, 15 poeng (15)

9. Eikelandsfjorden, 13 poeng (15)

10. Njardar/Tysnes, 11 poeng (16)


TIDLEG LEIING: Arild Storesætre starta som høgrekant, og var sentral då Njardar auka leiinga til 2–0. Søre Neset klarte derimot å snu kampen og vann 2–4.
TIDLEG LEIING: Arild Storesætre starta som høgrekant, og var sentral då Njardar auka leiinga til 2–0. Søre Neset klarte derimot å snu kampen og vann 2–4.
MIDTBANEKAMP: I Aksel Lande sitt karantenfråvær, var det Thomas Hagen og Lasse Aarland Skulstad som danna midtbaneduoen mot Søre Neset.
MIDTBANEKAMP: I Aksel Lande sitt karantenfråvær, var det Thomas Hagen og Lasse Aarland Skulstad som danna midtbaneduoen mot Søre Neset.

Siste saker Gå til framsida

Leiar: Kor lang tid skal det gå før undervass-skjera ved Horso blir merka?

I sist veke skjedde det igjen, for n’te gong. Ein fritidsbåt grunnstøytte på skjeret Horso, ved Gjerslingane, nord for ferjekaien i Våge. Fritidsbåten Risøy frå Varaldsøy med tre familiemedlemer Årvik om bord var dei uheldige denne gongen. Dei skulle frå Varaldsøy til Fitjar, og var innom Våge éi natt. Smellen førte...

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...