NYE RÅD: Innan 1. november skal nye sokneråd vera klare. (Foto: Ella Sandra Dahl Berland)
NYE RÅD: Innan 1. november skal nye sokneråd vera klare. (Foto: Ella Sandra Dahl Berland)

Nye kyrkjeråd på veg

– Me gler oss veldig til å få nye råd som skal styra skuta vidare, seier sokneprest Marit I. Espedalen.
Publisert 30.09.2019 kl. 06.00.

No som kyrkjevalet er ferdig, står det att å konstituera nye råd. Dei gamle sokneråda innleiar møta, og gir stafettpinnen vidare til dei nye.

– Sokneråda vel ny leiar på det første møtet etter valet. Råda skal vera klare til 1. november, opplyser Espedalen.

Noverande soknerådsleiar for Uggdal og Reksteren sokn er Erna Drange. Leiar i Tysnes sokn er Åse Enes, og leiar i Onarheim sokn er Grethe Barmen.


Nedgang i Tysnes sokn

Valdeltakinga i årets kyrkjeval i Tysnes kommune har gått ned med tre prosentpoeng sidan sist val. I 2015 var den totale stemmeoppslutninga i dei tre sokna på 26 prosent.

I år var det 23 prosent av veljarane som brukte stemmeretten sin. Nedgangen kjem av at Tysnes sokn har opplevd ein nedgang på fem prosentpoeng i valdeltakinga, frå 29 prosent i 2015 til 24 prosent i 2019. Valdeltakinga i Onarheim sokn og i Uggdal og Reksteren sokn var den same som for fire år sidan. 27 prosent av medlemene i Onarheim sokn brukte stemmeretten sin, og i Uggdal og Reksteren sokn var det 21 prosent.


Nye styre

Dei som er valde inn til å sitja i styret i Uggdal og Reksteren sokn er: Linn Larssæther Frøkedal, Endre O. Epland, Jan Økland, Irene Birkås Hetle, Berit Karin Berntsen og Anna Sofie Epland.

Dei som skal sitja i Tysnes sokn er: Arne Leite, Øystein Flakke, Lorentz Lunde, Silje Lunde, Johanne Dalland, Hildegunn Berge, Anette Kårstad, Per Ingolf Økland og Ingeborg Tysnes.

Desse er valde inn i styret i Onarheim sokn: Grethe Barmen, Magne Storesætre, Leiv Magne Hovland, Stig Allan Brandvik, Harriet Førdedal og Sissel Karin Clausen


Siste saker Gå til framsida

Leiar: Kor lang tid skal det gå før undervass-skjera ved Horso blir merka?

I sist veke skjedde det igjen, for n’te gong. Ein fritidsbåt grunnstøytte på skjeret Horso, ved Gjerslingane, nord for ferjekaien i Våge. Fritidsbåten Risøy frå Varaldsøy med tre familiemedlemer Årvik om bord var dei uheldige denne gongen. Dei skulle frå Varaldsøy til Fitjar, og var innom Våge éi natt. Smellen førte...

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...