NOKO FOR EINKVAR SMAK: Marianne Juvik Sæbø (vokalist) og Vidar Eldholm (pianist) inviterer til ei ørlita kvile med friske avspark i Onarheim Kulturkyrkje 13. oktober. (Pressefoto)
NOKO FOR EINKVAR SMAK: Marianne Juvik Sæbø (vokalist) og Vidar Eldholm (pianist) inviterer til ei ørlita kvile med friske avspark i Onarheim Kulturkyrkje 13. oktober. (Pressefoto)

Ei ørlita kvile i kulturkyrkja

Marianne Juvik Sæbø og Vidar Eldholm lovar ein konsert som vil treffa publikum, uavhengig av musikalsk smak.
Publisert 10.10.2019 kl. 17.00.

– Me håpar konserten kan bli ei kjenslemessig reise i tid og rom, seier Marianne.

Den 13. oktober skal ho og Vidar Eldholm halda konsert i Onarheim Kulturkyrkje.


Friskt og avdempa

– Det blir viser, gospel, musikal, til og med ein song frå ein operette, og heilt nyskrivne ting, seier Marianne.

Publikum vil få høyra noko nytt repertoar, men grunnstamma i konserten er songar frå cd-en som ho og Vidar ga ut i 2016, «Ei ørlita kvile».–Cd-en rommar eit samla repertoar med musikk som me har opplevd at publikum har sett mest pris på i åra som har gått. Då var det 20 år sidan me hadde vår første jobb i lag, seier ho.Tittelsporet «Ei ørlita kvile» fann dei ut var eit dekkjande namn både på cd-en og konserten. Songen er eit dikt av Bente Bratlund Mæland, som Vidar har tonesett.

– Mange av songane er friske i avsparket, men storparten er roleg og avdempa, seier Marianne.


Ein konsert om livet

Konserten vil by på mange forskjellige musikalske inntrykk, og hovudsakleg vil den handla om livet.

– Me møter glede, sorg og utfordringar, og songane gjenspeglar heile livsløpet. Me høyrer på forskjellig type musikk i ulike fasar av livet, seier Marianne.

– Eg trur at musikken er så variert at me vil treffa folk uavhengig av musikalsk smak. Det einaste me ikkje speler er Heavy metal, ler ho.

– Me håpar at konserten vil vera ei lita vitamininnsprøyting i kvardagen til folk, og at den har eit innhaldsmessig og musikalsk innhald som røyrer ved folk. Det er det kjekke med å halda konsert.


Håpar på godt oppmøte

Ekstra stemning blir det når det kjem mange folk, så no håpar både Marianne og Vidar på godt oppmøte.

– Det blir godt å komma tilbake til Onarheim, seier Vidar. Han jobba ei tid i musikkskulen og var på Onarheim kvar veke. Han har òg vore organist i Tysnes og Reksteren sokn frå 1992 til 1993, og har ei mor som er oppvaksen på Reksteren. – Alle som vil komma og høyra er hjarteleg velkomne, seier han.

– Me speler like alvorleg om det kjem fem, som om det kjem 200, men det er alltid ekstra kjekt når det kjem mange, avsluttar han.


Siste saker Gå til framsida

Leiar: Kor lang tid skal det gå før undervass-skjera ved Horso blir merka?

I sist veke skjedde det igjen, for n’te gong. Ein fritidsbåt grunnstøytte på skjeret Horso, ved Gjerslingane, nord for ferjekaien i Våge. Fritidsbåten Risøy frå Varaldsøy med tre familiemedlemer Årvik om bord var dei uheldige denne gongen. Dei skulle frå Varaldsøy til Fitjar, og var innom Våge éi natt. Smellen førte...

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...