SENTRALT LOKALE: Kine M. Teigland og Marita Bakke deler no lokale i kjellaren til Kjell Brekke, sentralt i Våge. (Alle foto: Camilla Korsnes)
SENTRALT LOKALE: Kine M. Teigland og Marita Bakke deler no lokale i kjellaren til Kjell Brekke, sentralt i Våge. (Alle foto: Camilla Korsnes)

Kine og Marita flyttar saman i Kjellaren

Kines Hudpleie og Blikk Design opnar nytt lokale førstkomande laurdag.
Publisert 03.10.2019 kl. 06.00.

– Eg er veldig glad for at eg fekk moglegheita til å vera her, seier Kine M. Teigland.

Ho har drive Kines Hudpleie i Våge i ei årrekkje. Først på kaia, så på Svingen. No har ho flytta saman med Marita Bakke i kjellaren til Kjell Brekke.

Kine byrja å ta inn kundar tysdag, og den offisielle opningsdagen er laurdag.

– Då håpar me at folk tek turen innom for å bli kjent med lokalet og med oss, seier Marita.

– Det blir kake, mange gode tilbod og goodiebags, held Kine fram.


Merkbart betre

Damene byrja å pussa opp lokalet rundt påske, og dei har vore spent på å få ting opp og gå.

– Eg har vore ei stund på utkikk etter nytt lokale fordi eg hadde veldig liten plass der eg var før. No kan eg ha mykje meir produkt framme, og satsa meir på sal, seier Kine.

Ho trur tilbodet vil bli merkbart betre, no som ho har butikk og behandlingsrom åtskild.

– Før hadde eg eitt rom, og det er ikkje berre berre å komma inn og kjøpa ting medan ein annan kunde ligg på benken og får behandling, ler ho.


Satsar på nett

Marita har funne sin nisje i produksjon av nettsider, og håpar på si side å bli meir synleg for kundane.

– Det har vore utruleg fint å ha heimekontor i eitt års tid. Og no blir det godt å komma ut blant folk. Med eige lokale og eige skilt, blir det nok lettare å ta kontakt med meg, smiler ho.

Ho har kundar frå heile Norge, og lagar rimelege men komplette nettsider. Ho utfører alle tenester ei bedrift treng, frå idéstadium til trykk; alt frå å produsera logoar og brosjyrar, til å annonsera via e-post og nett.

Kjekt å driva for seg sjølv

Kine jobbar med det meste innan hud- og ansiktsbehandling, vippe-extensions, kroppsmassasje, voks og negledesign.

– Det er veldig kjekt å ha så varierte dagar. Og det er kjekt å kunna driva for seg sjølv, og vera sin eigen sjef, meiner ho.

– Og det er fint at lokalet ligg så sentralt og lett synleg til, held Marita fram.

Dei er spent på kven fleire som flyttar inn etter kvart.

– Me har eit ekstra rom her som er ledig, og det blir spanande å sjå kven som kjem, avsluttar dei.



BETRE FASILITETAR: I dei nye lokala har Kine fått mykje større plass enn ho hadde på Svingen. No har ho mellom anna to ulike behandlingsrom.
BETRE FASILITETAR: I dei nye lokala har Kine fått mykje større plass enn ho hadde på Svingen. No har ho mellom anna to ulike behandlingsrom.
HAR BLIKK FOR DESIGN: Marita Bakke starta eige firma for eit par år sidan, og trivst godt med å vera sin eigen sjef.
HAR BLIKK FOR DESIGN: Marita Bakke starta eige firma for eit par år sidan, og trivst godt med å vera sin eigen sjef.
ORDSPEL: Når huseigaren heiter Kjell, kan ein laga litt humor ut av det.
ORDSPEL: Når huseigaren heiter Kjell, kan ein laga litt humor ut av det.
GLER SEG TIL OPNING: Laurdag er det offisiell opning av Kjellaren, og dei blide damene kan lokka med både goodiebags og kake.
GLER SEG TIL OPNING: Laurdag er det offisiell opning av Kjellaren, og dei blide damene kan lokka med både goodiebags og kake.

Siste saker Gå til framsida

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...