STARTA FERIEN MED MARKNAD: Anne Kjersti Haugen, «Deedee», Jan-Atle Wikum og Viljar Haugen Wikum (18) kickstarta haustferien på Tysnes med oktobermarknaden i Våge laurdag. (Alle foto: Ella Sandra Dahl Berland)
STARTA FERIEN MED MARKNAD: Anne Kjersti Haugen, «Deedee», Jan-Atle Wikum og Viljar Haugen Wikum (18) kickstarta haustferien på Tysnes med oktobermarknaden i Våge laurdag. (Alle foto: Ella Sandra Dahl Berland)

Kickstarta haustferien på oktobermarknaden

– Tysnesingane er veldig flinke til å få ting til, seier Anne Kjersti Haugen og Jan-Atle Wikum, hyttegjestar frå Askøy.
Publisert 05.10.2019 kl. 20.14.

Dei kom til Tysnes fredag, og drog til Våge laurdag for å få med seg oktobermarknaden.

På marknaden kunne ein få med seg salsbodar og matbodar, utstilling, musikkinnslag og konkurransar frå mange lokale aktørar. – No skal me kika rundt, nyta starten på haustferien, sola og stemninga, seier askøyværingane.

Dei har feriert på Tysnes i 30 år, og har hytte i Lundegrend.


Meiner Tysnes byr på mykje

Grunnen til at dei kjem tilbake år etter år, er at dei opplever at Tysnes har mykje godt å by på.

– Me er opptekne av lokalmat og lokal kultur, og sjølv om Tysnes er ei lita kommune med få aktørar, klarer de likevel å få til veldig mykje, seier dei.

På marknaden fann dei mange lokale kvalitetshandverk. – Som vottane til Mirsada, dei er til å ta av seg hatten for, seier Anne Kjersti. – Tysnes er veldig flinke til å få til mange aktivitetar her på øya, og me som ferierer her har alltid eit godt tilbod, held dei fram.


Forvandlar skrot til kunst

Ein annan som sette pris på oktobermarknaden var Anne Marie Malkenes.

Då «Tysnes» var innom marknaden, stod ho med barnebarnet Sofie Lunde (9) og beundra smykka til Maja Design.

– Det er veldig spesielt å sjå. Desse hadde me då eg var lita, seier ho, og peikar på ein knust asjett i serien «Marianne», som er blitt forvandla til eit par øyredobbar.

– Det er kjekt å sjå at det kan brukast om att på ein slik måte. Ein må verkeleg ha sansen og fingerferdigheitene for å få til noko slikt, smiler ho.

May Britt Meland er dama bak smykkene. Ho redesignar gamalt servise som andre ville ha skrota.

– Ein skal ikkje kasta alt mogeleg. Det du ikkje kan reparera, kan du redesigna. Det er veldig inne i tida. Samstundes tek ein vare på gamle minne, seier Meland.

Ho tok turen frå smykkeverkstaden i Fusa for å vera med på marknaden.

– Det har vore veldig kjekt. Me er kjempeheldig med vêret, og det er mange som har tatt turen, avsluttar ho.



YRANDE LIV: Det var mykje liv og røyre på oktobermarknaden i Våge, som husa ein stor variasjon av lokale aktørar.
YRANDE LIV: Det var mykje liv og røyre på oktobermarknaden i Våge, som husa ein stor variasjon av lokale aktørar.
LOKALE SKATTAR: Anne Marie Malkenes og barnebarnet Sofie Lunde (9) var imponert over alt dei kunne finna på oktobermarknaden i Våge, som smykka til May Britt Meland.
LOKALE SKATTAR: Anne Marie Malkenes og barnebarnet Sofie Lunde (9) var imponert over alt dei kunne finna på oktobermarknaden i Våge, som smykka til May Britt Meland.
REDESIGN: May Britt Meland i Maja Design har smykkeverkstad i Fusa. Ho blei godt teken imot på oktobermarknaden i Våge.
REDESIGN: May Britt Meland i Maja Design har smykkeverkstad i Fusa. Ho blei godt teken imot på oktobermarknaden i Våge.
MULTITASKING: «Cornhole»-spel fell i smak hjå Tone Lill Mathisen, som har lyst å laga eit slikt spel sjølv. Med på kastet er Jonas Mathisen Måkestad (7 mnd).
MULTITASKING: «Cornhole»-spel fell i smak hjå Tone Lill Mathisen, som har lyst å laga eit slikt spel sjølv. Med på kastet er Jonas Mathisen Måkestad (7 mnd).

Siste saker Gå til framsida

Vil låna ut gratis sportsutstyr

Frivilligsentralen har sendt inn søknad om midlar til innkjøp av sportsutstyr, og har planar om å starta opp gratistilbodet «Bua Tysnes», forhåpentlegvis til sommaren.

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...