SUKSESSTART PÅ HAUSTFERIEN: Selmer (6), Isabell (8), Lina og Sofie (3) K.-Nordbustad tok turen frå Nordbustadbygda for å få med seg aktivitetane på OnarTun laurdag. (Foto: Ella Sandra Dahl Berland)
SUKSESSTART PÅ HAUSTFERIEN: Selmer (6), Isabell (8), Lina og Sofie (3) K.-Nordbustad tok turen frå Nordbustadbygda for å få med seg aktivitetane på OnarTun laurdag. (Foto: Ella Sandra Dahl Berland)

Softisen fekk bein å gå på

Nesten 200 tok turen til OnarTun i går for å vera med på skattejakt, få ansiktsmaling og eta gratis softis og vafflar.
Publisert 06.10.2019 kl. 13.10. Oppdatert kl. 19.50.

Lina K.-Nordbustad tok turen frå Nordbustadbygda, og hadde med seg Selmer (6), Isabell (8) og Sofie (3).

– Me har køyrt eit stykke for å få med oss dette. Det er sosialt, kjekt og tiltrekkjer mykje folk, smiler Lina.

Dottera Isabell fortel at dei kom litt for seint til sjølve skattejakten.

– Men me fekk ansiktsmaling, god is, vafflar og saft, fortel dei.

Selmer og Sofie lurte til seg to softis.

– Det er kjekt med is, smiler dei.

Skatt fekk dei òg, sjølv om dei var for sein til skattejakten.

– Lea var snill og sa det var litt skatt igjen å dela, fortel Lina.

Marius Miron arrangerte skattejakten i området rundt OnarTun. Der kunne borna finna både ekte gull, og sjokoladepengar.

– Dette håpar me å kunne gjera til ein tradisjon, seier han etter suksesslaurdagen.

Det var høgt tempo heile dagen, men både Marius og sambuaren Lea Rehling Qvistgaard storkoste seg med å halda styr på alle som deltok i aktivitetane på OnarTun.

– I og med at haustferien startar, visste me at det er mykje folk på øya. Det er gøy å finna på slike ting då, avsluttar Lea.





ANSIKTSMALING: Elina Qvistgaard Møllerup Skaten (t.h.) stod for ansiktsmalinga under aktivitetane på OnarTun laurdag. Her var det Celin Røssland som fekk ansiktsmaling. (Foto: Privat)
ANSIKTSMALING: Elina Qvistgaard Møllerup Skaten (t.h.) stod for ansiktsmalinga under aktivitetane på OnarTun laurdag. Her var det Celin Røssland som fekk ansiktsmaling. (Foto: Privat)
NYSGJERRIG: Julian Bergesen Miron var fascinert av gullet han fann under skattejakten ved OnarTun. (Foto: Privat)
NYSGJERRIG: Julian Bergesen Miron var fascinert av gullet han fann under skattejakten ved OnarTun. (Foto: Privat)
SJOKOLADESKATT: Kring 20 born var med på skattejakten med Marius Miron. Her fann dei ein boks med etande gullmyntar. (Foto: Privat)
SJOKOLADESKATT: Kring 20 born var med på skattejakten med Marius Miron. Her fann dei ein boks med etande gullmyntar. (Foto: Privat)
GLEDDE SEG: Ronja Alver Lie (3) fekk hjelp av Bjarte Skår med å få tak i saft og is etter skattejakten. (Foto: Ella Sandra Dahl Berland)
GLEDDE SEG: Ronja Alver Lie (3) fekk hjelp av Bjarte Skår med å få tak i saft og is etter skattejakten. (Foto: Ella Sandra Dahl Berland)

Siste saker Gå til framsida

Gjer tiltak mot koronasmitte

Kommunen ynskjer å koma i kontakt med føresette til barn som har vore på ferie i koronautsette område.– Det er ikkje eit spesielt dramatisk tiltak, men eit potensielt effektivt tiltak, fortel rådmann Steinar Dalland.Denne veka har det vore vinterferie, og måndag skal mange barn og unge på Tysnes tilbake på skular og barnehagar. Rådmannen opplyser at kommunen no ynskjer å koma i...

Framleis inga lensmannskontoravklaring

I september annonserte politiet at dei søkte etter nye lokale for Tysnes lensmannskontor, og interessentar vart bedne om å melda seg innan starten av oktober. Politiets fellestjenester har sidan den gong vore i forhandlingar med tilbydarar, og har framleis ikkje avklart framtida til det nye lensmannskontoret.Med omsyn til politiet sin forhandlingsposisjon, har dei ikkje villa opplysa om...

Vil gje dispensasjon viss bygget blir plassert annleis

Både ordførar, rådmann og utvalsleiar i landbruk/teknisk meiner Nils Kristian Berge i Fjord1 trør feil med sine utsegner om at kommunen har gjort teknisk bygg-saka til ei plasseringssak. Samtidig har Veritas kome med ei kritisk tilbakemelding på ROS-analysen, som mellom anna beskriv brann- og eksplosjonsfaren knytt til det tekniske anlegget.

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.