ANBEFALT NEDLAGT: Det kan verta slutt for Sunnhordland tingrett. (Arkivfoto: Frank Schmidt/Sunnhordland tingrett)
ANBEFALT NEDLAGT: Det kan verta slutt for Sunnhordland tingrett. (Arkivfoto: Frank Schmidt/Sunnhordland tingrett)

Anbefaler å flytta tingretten til Haugesund

Domstolskommisjonen anbefaler å slå saman Haugaland og Sunnhordland tingrett, og plassera hovudkontoret i Haugesund.
Publisert 08.10.2019 kl. 14.21. Oppdatert kl. 14.29.

I 2017 vart domstolkommisjonen oppretta, med hensikt å greia ut domstolane si organisering. I førre veke vart fyrste delrapport overlevert. Denne tek for seg korleis kommisjonen anbefalar å strukturera domstolane i landet.

Rapporten konkluderer med at talet på tingrettar bør reduserast frå 60 til 22, fordelt på 30 rettsstadar. Som ein del av reduseringa vert det foreslått å slå saman Sunnhordland tingrett med Haugaland tingrett, samt delar av Hardanger tingrett.

Den nye anbefalte rettskretsen vil i 2020 ha eit innbyggjartal på kring 180.000, og innehalda kommunane Bokn, Bømlo, Etne, Fitjar, Haugesund, Karmøy, Kvinnherad, Sauda, Stord, Suldal, Sveio, Tysnes, Tysvær, Ullensvang, Utsira og Vindafjord.

Kommisjonen anbefaler å ha ni tilsette dommarar, fem dommarfullmektige og 19 tilsette i administrasjonen i den samla tingretten.

I tillegg til å endra tingrettsstruktur, vert det også anbefalt å endra strukturen ved jordskifterettane. I dag er allereie Haugaland og Sunnhordland jordskifterett samla med kontor i Leirvik. Kommisjonen anbefaler at dette kontoret òg vert flytta og samlokalisert med kontoret i Haugesund.

«Domstolkommisjonens hovedanbefaling er å styrke rettssikkerheten, sikre fortsatt høy tillit til domstolene og bedre ressursutnyttelsen ved å utvide rettskretsene til tingrettene og jordskifterettene. Dermed etableres større og mer fleksible organisasjoner med sterke fagmiljøer. For å sikre at domstolene er tilgjengelige og har geografisk nærhet til brukerne, anbefaler kommisjonen at domstoler i områder med spredt befolkning og store avstander har avdelinger på flere steder i rettskretsen. Selv om den jevne innbygger er svært sjelden i en domstol, er det lagt vesentlig vekt på hensynet til reisetid for brukerne. I den anbefalte strukturen vil 95 prosent av befolkningen ha mindre enn to timers reisevei til nærmeste tingrett», skriv domstolkommisjonen i ei pressemelding.


Siste saker Gå til framsida

Gjer tiltak mot koronasmitte

Kommunen ynskjer å koma i kontakt med føresette til barn som har vore på ferie i koronautsette område.– Det er ikkje eit spesielt dramatisk tiltak, men eit potensielt effektivt tiltak, fortel rådmann Steinar Dalland.Denne veka har det vore vinterferie, og måndag skal mange barn og unge på Tysnes tilbake på skular og barnehagar. Rådmannen opplyser at kommunen no ynskjer å koma i...

Framleis inga lensmannskontoravklaring

I september annonserte politiet at dei søkte etter nye lokale for Tysnes lensmannskontor, og interessentar vart bedne om å melda seg innan starten av oktober. Politiets fellestjenester har sidan den gong vore i forhandlingar med tilbydarar, og har framleis ikkje avklart framtida til det nye lensmannskontoret.Med omsyn til politiet sin forhandlingsposisjon, har dei ikkje villa opplysa om...

Vil gje dispensasjon viss bygget blir plassert annleis

Både ordførar, rådmann og utvalsleiar i landbruk/teknisk meiner Nils Kristian Berge i Fjord1 trør feil med sine utsegner om at kommunen har gjort teknisk bygg-saka til ei plasseringssak. Samtidig har Veritas kome med ei kritisk tilbakemelding på ROS-analysen, som mellom anna beskriv brann- og eksplosjonsfaren knytt til det tekniske anlegget.

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.