OVERTENT BUSTAD: Klokka 00:15 i natt fekk operasjonssentralen inn melding om ein einebustad i full fyr på Malkenes. (Alle foto: Camilla Korsnes)
OVERTENT BUSTAD: Klokka 00:15 i natt fekk operasjonssentralen inn melding om ein einebustad i full fyr på Malkenes. (Alle foto: Camilla Korsnes)

Einebustad blei fullstendig overtend

Ein mann i 70-åra er ikkje gjort rede for etter alvorleg bustadbrann på Malkenes.
Publisert 09.10.2019 kl. 06.00. Oppdatert kl. 19.42.

OPPDATERT SAK: Person omkomen i brann

Klokka 00:15 natt til onsdag fekk politiet sin operasjonssentral inn melding om at ein einebustad stod i brann på Malkenes. Brannvesenet var på plass og starta sløkkingsarbeidet om lag klokka 00:40.

– Huset står i full fyr, og brannvesenet held på med sløkking. Politi og ambulanse er på staden, opplyste Per Algerøy, operasjonsleiar i Vest Politidistrikt, kort tid etter at sløkkingsarbeidet var i gang.

Det er to personar registrert på bustadadressen.

– Den eine personen er bekrefta vekkreist, og det er ein person me jobbar med å få kontroll på, sa Algerøy.

Brannvesenet skal ha fått kontroll på brannen klokka 02.20, men heldt på med ettersløkking utover natta. I morgontimane onsdag rauk det framleis frå huset.

Det var ikkje fare for spreiing av brann til andre hus i nærleiken.

Det var naboar som oppdaga brannen, og melde frå til naudetatane. Då var huset allereie så overtent at dei ikkje kunne ta seg inn.

Huset framstår som totalskadd. Årsaka til brannen er førebels ukjend.







SLØKKING PÅGÅR: Brannvesenet var i gang med sløkking kring 00:40, og kjem til å arbeida med sløkkingsarbeid ut over natta.
SLØKKING PÅGÅR: Brannvesenet var i gang med sløkking kring 00:40, og kjem til å arbeida med sløkkingsarbeid ut over natta.
ALVORLEG BRANN: Huset er ein av fire einebustadar i eit lite nabolag.
ALVORLEG BRANN: Huset er ein av fire einebustadar i eit lite nabolag.
BRANNMANNSKAP: Det er mange brannmenn i arbeid på Malkenes natt til onsdag.
BRANNMANNSKAP: Det er mange brannmenn i arbeid på Malkenes natt til onsdag.
TOTALSKADD: Huset kunne ikkje reddast.
TOTALSKADD: Huset kunne ikkje reddast.
SØRGELEG: Slik såg bustaden ut då brannmannskapa hadde fått kontroll på flammane. (Foto: Øystein Vaage)
SØRGELEG: Slik såg bustaden ut då brannmannskapa hadde fått kontroll på flammane. (Foto: Øystein Vaage)
FRAMLEIS MANNSKAP PÅ PLASS: Branntomta onsdag morgon. Brannbilen skjuler dei største skadene.
FRAMLEIS MANNSKAP PÅ PLASS: Branntomta onsdag morgon. Brannbilen skjuler dei største skadene.

Siste saker Gå til framsida

Fekk ordførarbesøk på 100-årsdagen

I helga var det stor feiring på Reiso då Herborg Dalen feira sin hundrede fødselsdag. Med ope hus på søndag var det mange som tok turen innom for å gratulera den spreke jubilanten, inkludert ordførar Kåre Martin Kleppe.– På vegner av Tysnes kommune ynskjer eg å gratulera med dagen, og eg håpar at åra du har hatt på Tysnes har vore fine, sa ordføraren då han møtte 100-åringen.Han...

Inviterer til ei annleis gudsteneste

Tradisjonen tru vert det temagudsteneste i Onarheim kyrkje i samband med TV-aksjonen, som i år handlar om å skapa eit betre liv for kvinner i nokre av dei mest sårbare områda i verda. – Slik som i fjor prøver me oss på ei litt annleis gudsteneste med både perler, strikketøy og songinnslag. Begge deler kan symbolisera verdigheit i møte med livet sine utfordringar. Nokre gonger mister me...