STAL PENGAR: Innbrotet på Våge-ferja skal ha skjedd mellom midnatt og klokka fem om morgonen natt til torsdag 26. september.
STAL PENGAR: Innbrotet på Våge-ferja skal ha skjedd mellom midnatt og klokka fem om morgonen natt til torsdag 26. september.

Ber om fleire tips etter ferjeinnbrotet

Politiet har sikra seg spor.
Publisert 10.10.2019 kl. 11.50.

Politikontakt på Tysnes, Marita Flemmen Skogvoll, opplyser til «Tysnes» at politiet har sikra seg spor etter ferjeinnbrotet natt til torsdag for to veker sidan.

– Spora er sende inn til analyse, og me ventar på svar på desse, seier Skogvoll.

Politiet har ingen mistenkte i saka så langt. Dei er framleis interesserte i tips, ikkje berre frå kaiområdet i Våge, men og vidare.

– Me vil gjerne snakka med folk som var ute den natta, eller folk som kanskje har sett ein bil, seier politikontakten.

Kor mykje pengar som blei stole under innbrotet, ynskjer ikkje politiet å gå ut med førebels. Det skal vera snakk om ein relativt stor pengesum.


Siste saker Gå til framsida

Formannskapet støtta ordførarforslaget

Ordførar Kåre Martin Kleppe har i vinter tatt til orde for at kommunen endeleg skal få eit formelt godkjent kommunevåpen, og samtidig vurdera å skifta motiv til det opphavelege Onarheimsseglet. Sist torsdag fekk han full støtte i formannskapet.

– Folk er opptekne av lys og trafikktryggleik

Formannskapet gjekk sist torsdag inn for å støtta ein søknad om delfinansiering for å etablera veglys i Uggdal. Politikarane ynskjer samtidig å kartleggja kva andre plassar som treng lyssetjing.