PÅ GRUNN: Ein fritidsbåt hadde torsdag morgon gått på skjeret Horso utanfor Våge. Ingen av dei tre om bord blei skada. (Foto: Øyvind Bjerkestrand)
PÅ GRUNN: Ein fritidsbåt hadde torsdag morgon gått på skjeret Horso utanfor Våge. Ingen av dei tre om bord blei skada. (Foto: Øyvind Bjerkestrand)

Båt på land ved Horso

Ein båt har gått på skjeret Horso, utanfor Våge. Hjelpebåt er på plass.
Publisert 10.10.2019 kl. 08.55.

Ein fritidsbåt gjekk torsdag morgon på land ved skjeret Horso – like utanfor ferjekaien i Våge. Båten er no komen inn til Våge.

Då «Tysnes» sin journalist var på plass, var ein arbeidsbåt frå Lerøy sitt oppdrettsanlegg på staden for å hjelpa til.

Knut Nesse er om bord på oppdrettsbåten. Han fortel til «Tysnes» klokka 08.45 at dei har fått slept båten av skjeret.

Nesse karakteriserer uhellet som ei solskinnshistorie.

– Ingen av dei tre ombord, ein mann og to born, var skada. Båten tok ikkje inn vatn. Dei går no for eigen maskin inn til Våge, seier Nesse.

Etter det «Tysnes» forstår, så var det mannskapet om bord på MF Selbjørnsfjord som melde frå til tilsette i Lerøy.


Siste saker Gå til framsida

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...