NEDRYKK: Njardar/Tysnes kan gjera seg klar for retur til 7. divisjon. (Arkivfoto)
NEDRYKK: Njardar/Tysnes kan gjera seg klar for retur til 7. divisjon. (Arkivfoto)

Rykkjer ned

Eit nytt a-lagstap sette spikaren i 6. divisjonskista for Njardar-herrane.
Publisert 14.10.2019 kl. 11.30.

Laurdag reiste Njardar/Tysnes sitt a-lag til Bergen for å møta Bergkrystall til nest siste kamp for sesongen. Tysnesingane hadde ein stor jobb framfor seg dersom det skulle verta ein ny sesong i 6. divisjon, og med 3–0-tap mot Bergkrystall var nedrykket eit faktum.

Bergkrystall tok leiinga etter halvtimen spelt på Varden kunstgras. Njardar klarte aldri å svara på målet, og halvvegs i andre omgang dobla heimelaget leiinga. Då Bergkrystall sette inn 3–0 ti minutt før slutt var kampen avgjort, og Njardar gjekk dermed på sitt femte strake tap.

Med berre éin serierunde igjen ligg Njardar heilt nedst på tabellen med fire poeng opp til neste lag. Dermed har tysnesingane inga moglegheit til å klatra, og må belaga seg på retur til 7. divisjon neste sesong.


Siste saker Gå til framsida

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.

Lesarinnlegg angåande dette koronaviruset

Synest det blir i mestelaget med «skremselspropaganda» no for tida. Eg er så gamal at eg hugsar kor klok den gamle kyrkjebøna var: «Fri oss frå pest og hunger. Gje oss godt og tenleg vêr. Fri oss frå ein vond og brå død. Vêr hos dei som strir med døden. Men så fann dei på at me behøvde ikkje be om det, for penicillinet var kome, og den drepte alle bakteriar. Ja, straks etter dei forandra på...