TACOKVELD: Sokneprest Marit I. Espedalen gler seg til å arrangera tacofredag i Kulturkyrkja på Onarheim neste veke. (Foto: Ella Sandra Dahl Berland)
TACOKVELD: Sokneprest Marit I. Espedalen gler seg til å arrangera tacofredag i Kulturkyrkja på Onarheim neste veke. (Foto: Ella Sandra Dahl Berland)

Tacofredag i kyrkja

Det blir tacokveld i Kulturkyrkja fredag 18. oktober.
Publisert 15.10.2019 kl. 16.00.

Arrangementet er eit ledd i trusopplæringa, og tanken bak er å finna noko som fengjar unge i konfirmasjonsalder og oppover.

– Det blir quiz, og så tenkte me å ha «grip mikrofonen». Me har fått med oss organisten vår som skal spela, og så skal deltakarane gjetta kva song det er. Og så skal me ha ulike brettspel, og sjølvsagt eta taco, seier sokneprest Marit I. Espedalen.

Vil bruka kyrkja meir

Dei som blei konfirmert i vår, og dei som no har meldt seg til konfirmasjonsundervisning, er spesielt inviterte.

– Det er den aldersgruppa me prøver å nå, men er det andre som har lyst til å vera med, er dei hjarteleg velkomne, seier Marit.

– Me har ein ganske god trusopplæringsplan, med aktivitetar for kvart alderstrinn. Men etter konfirmasjonsalder sviktar det litt hjå oss. Me prøver òg ut dette for å sjå at me kan bruka kyrkja til meir enn berre gudstenester, held ho fram.


Hiv seg utpå

Sokneråda sitt trusoppleringsarbeid har leikt med tanken i over eitt år.

– Me har fått komfyr i kyrkja, og så har me ikkje tid til å venta på at kyrkjelydshuset skal bli ferdig. Difor er det litt begrensa kva me kan få til, seier Marit.

– Me hadde håpa å få dette til i fjor, men så kolliderte det med så mykje anna at me måtte venta til i år. Så me har tenkt på det lenge. No berre hiver me oss utpå, og så ser me kva som skjer, smiler ho.

– Kva tar du helst på din taco?

– Eg er ikkje så veldig glad i sterk mat, difor må eg ha ein mild taco. Og så er eg veldig glad i å ha avokado på, avsluttar ho.


Siste saker Gå til framsida

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.

Byggjer utvendig toalett

Det er vanskeleg å nå fram i tide for dei unge som treng rask veg til nødvendige ærend. Slik det er no, er ikkje tilhøva tilfredsstillande, skriv styrar i Stjernereiso barnehage.– Me har mykje toalettuhell. Det er dårleg for barna sin meistringsfølelse, og det går mykje ekstra tid der me er for få vaksne ute, argumenterer styraren.Rådmannen har lytta til ønsket frå barnehagen,...