GAMAL REINLENDER: 10. klasse overraska publikummarane med dansekunnskapane sine på markeringa av TV-aksjonen i Tysneshallen i dag. Her var Brita Austvik og Mathias Bakke i sving med éin av dei åtte turane reinlender dei har øvd inn. (Alle foto: Ella Sandra Dahl Berland)
GAMAL REINLENDER: 10. klasse overraska publikummarane med dansekunnskapane sine på markeringa av TV-aksjonen i Tysneshallen i dag. Her var Brita Austvik og Mathias Bakke i sving med éin av dei åtte turane reinlender dei har øvd inn. (Alle foto: Ella Sandra Dahl Berland)

– Dette var heilt ukjent for meg

Ingunn Fjeldstad og Britt Flygandsvær var imponerte over kva elevane ved Tysnes skule hadde fått til då dei markerte TV-aksjonen i dag.
Publisert 18.10.2019 kl. 18.00.

Då TV-aksjonen blei markert i Tysneshallen med sal av kake og kaffi og underhaldning frå dei ulike klassetrinna, var Ingunn og Britt blant dei som stakk innom.

– Me er her for å støtta opp under aksjonen, og så har me kvart vårt barn på 10. trinn, fortel dei.

Dei synest det er ein bra ting å kunna støtta opp under noko som hjelper folk som treng det.

– Det er eit godt tiltak av skulen å byggja opp under noko slikt, og at me som foreldre får komma og sjå og delta, smiler dei.

– Alle menneske har rett på eit verdig liv, så dette er eit fantastisk tiltak, seier Ingunn.

– Det handlar om respekt og likeverd, legg Britt til, som er fornøgd med at det er kvinner som er på dagsordenen til TV-aksjonen i år.


Kjøpte ekstra kake

Damene fortel at dei er imponerte over kva klassane har fått til.

– Særleg tiandeklassingane som dansa. Eg håpar dei kan bli eit førebilete for andre born. Det er kult at dei tør, seier Ingunn.

– Dette var helt ukjent for meg. Eg har ikkje visst at sonen min kunne dansa reinlender med åtte turar, legg Britt til.

Dei skryt av eit veldig bra opplegg.

– Dei sleit litt med lyden i starten. Men det blei litt artig. Det blei latter av det, smiler dei.

– Og kakene var så gode at me måtte kjøpa med ekstra heim, avsluttar Ingunn.


«Garva i gamet»

Brita Austvik og Mathias Bakke var blant dei modige tiandeklassingane som imponerte publikummarane med gamal reinlender.

– Me har dansa gamal reinlender heilt sidan 5. klasse, og me har opptredd fleire gongar, så dette var rett og slett plankekøyring, seier Mathias.

Etter dansen skulle dei syngja «Shallow» i lag med resten av klassen. Også dette tok dei med knusande ro.

– Den songen er klassen vår veldig god på. Så dette gler me oss til å visa, smiler Brita.

Dei syntest det var kjekt å få bidra til TV-aksjonen med forskjellig underhaldning.

– Det er bra at me kan få vera med og hjelpa andre som ikkje har det så bra som oss, avsluttar dei.



GODT TILTAK: Ingunn Fjeldstad og Britt Flygandsvær støtta opp under Tysnes skule sin markering av TV-aksjonen i dag. Dei var imponerte over kva elevane har fått til.
GODT TILTAK: Ingunn Fjeldstad og Britt Flygandsvær støtta opp under Tysnes skule sin markering av TV-aksjonen i dag. Dei var imponerte over kva elevane har fått til.
KIOSK: Anna Birkeland peika ut det perfekte eplekakestykket. Isarlin Cristal Nødland og Vetle Belt fulgte nøye med.
KIOSK: Anna Birkeland peika ut det perfekte eplekakestykket. Isarlin Cristal Nødland og Vetle Belt fulgte nøye med.
DYKTIG: Camilla Matre Rossland (13) i åttande klasse dansa ein sjølvkoreografert dans til «Say Something» av James Brown.
DYKTIG: Camilla Matre Rossland (13) i åttande klasse dansa ein sjølvkoreografert dans til «Say Something» av James Brown.
KOR: Til sist i programmet song 10. klasse «Shallow».
KOR: Til sist i programmet song 10. klasse «Shallow».

Siste saker Gå til framsida

Skuletime i flytenaustet

Også denne hausten har 6. klassingane i kommunen fått høyra og læra om alle tysnesingane som var mannskap og offiserar på amerikanske yachter (jåttar på tysnesdialekta) i perioden 1900-1940. I fleire år har 6. klassingane vore inviterte til omvising og «skuletime» i flytenaustet om jåttseglarane. Elevane syner interesse for denne viktige brikka i Tysnes si nyare soge. Dei får...