13 ÅR SIDAN SIST: Isabell Epland Østby (i midten) har ikkje sunge på Tysnes på 13 år. Det fekk ho torsdag kveld, då koret Ichtus frå Stord arrangerte songkveld i Jensvoll bedehus. (Alle foto: Ella Sandra Dahl Berland).
13 ÅR SIDAN SIST: Isabell Epland Østby (i midten) har ikkje sunge på Tysnes på 13 år. Det fekk ho torsdag kveld, då koret Ichtus frå Stord arrangerte songkveld i Jensvoll bedehus. (Alle foto: Ella Sandra Dahl Berland).

– Spesielt å vera tilbake igjen

Isabel Epland Østby var éin av tysnesingane som tok turen «heim» då koret Ichtus frå Stord hadde songkveld i Jensvoll bedehus torsdag kveld.
Publisert 18.10.2019 kl. 16.00.

– Det var veldig spesielt å syngja for kjente igjen, seier ho.

Isabell song mykje på Tysnes i oppveksten, men har rekna seg fram til at det no må vera kring 13 år sidan sist ho song på Tysnes. Ho kjem frå Flatråker, men bur no på Stord. Ho har vore med i koret Ichtus i eitt år.

– Det har vore veldig spanande å skulle sjå kjente igjen, og å sjå kor mange som ville komma. Me har gledd oss veldig mykje, seier ho.

– Det var utruleg kjekt, og fint at det kom så mange. Det var veldig god stemning i salen, smiler ho.

Isabell er éin av fleire utflytta tysnesingar i koret, som har kring 40 medlemar. Ho fortel at koret skal ha romjulskonsert på Stord den 3. juledag.

– Det pleier å vera veldig bra, så eg anbefaler alle å ta turen, avsluttar ho.


Måtte delast

Svein Kåre Høviskeland er far til ein annan av dei utflytta tysnesingane; Karina Høviskeland Eide.

– Det var imponerande, og heilt fantastisk. Dei hadde mange gode songar og allsongar, smiler han då Ichtus er ferdig.

Han er glad i allsong, men syng ikkje så mykje sjølv. Men «snappa», det måtte han.

– Det er ein enkel og grei måte å formidla på, seier han, og fortel at det er borna som har lært han opp.

– Dette må jo delast, legg han til.

Han har høyrt Ichtus fleire gongar før på Stord, og synest det var veldig kjekt at dei tok turen til Tysnes.


Berre ros å komma med

Dagfinn Brandsæter har ikkje høyrt koret før, men var minst like fornøgd med prestasjonen deira som Svein Kåre var.

– Dette var verkeleg fint, og god kvalitet, seier han.

– Dei hadde så mykje engasjement, og det var veldig flott å høyra på, avsluttar han.



VELDIG FORNØGDE: Svein Kåre Høviskeland og Dagfinn Brandsæter hadde berre skryt å komma med om songkvelden i Jensvoll bedehus, som blei runda av med snittar og kake.
VELDIG FORNØGDE: Svein Kåre Høviskeland og Dagfinn Brandsæter hadde berre skryt å komma med om songkvelden i Jensvoll bedehus, som blei runda av med snittar og kake.
MÅTTE «SNAPPA»: - Dette må jo delast, sa Svein Kåre, som delte songkvelden med vener og familie.
MÅTTE «SNAPPA»: - Dette må jo delast, sa Svein Kåre, som delte songkvelden med vener og familie.
BIBELEN: Svein Bjarne Aase er ein av dei utflytta tysnesingane i koret Ichtus. Her fortalde han livleg om at han i si tid var den einaste på bibelgruppa som ikkje hadde bibel, og fekk 500 kroner av Magnus Drange til å dra til Stord og skaffa seg eit eksemplar. Den har han hatt med seg heile livet.
BIBELEN: Svein Bjarne Aase er ein av dei utflytta tysnesingane i koret Ichtus. Her fortalde han livleg om at han i si tid var den einaste på bibelgruppa som ikkje hadde bibel, og fekk 500 kroner av Magnus Drange til å dra til Stord og skaffa seg eit eksemplar. Den har han hatt med seg heile livet.
TILBAKE: Det var fleire utflytta tysnesingar som fekk ta turen «heim att» då koret Ichtus, ved dirigent Egil Petterteig, inviterte til songkveld på Jensvoll.
TILBAKE: Det var fleire utflytta tysnesingar som fekk ta turen «heim att» då koret Ichtus, ved dirigent Egil Petterteig, inviterte til songkveld på Jensvoll.

Siste saker Gå til framsida

Skuletime i flytenaustet

Også denne hausten har 6. klassingane i kommunen fått høyra og læra om alle tysnesingane som var mannskap og offiserar på amerikanske yachter (jåttar på tysnesdialekta) i perioden 1900-1940. I fleire år har 6. klassingane vore inviterte til omvising og «skuletime» i flytenaustet om jåttseglarane. Elevane syner interesse for denne viktige brikka i Tysnes si nyare soge. Dei får...