BURSDAGSGÅVE: Arnhild Jebsen (i midten) fekk ein heilaftan på Haaheim Gaard i bursdagsgåve av søstera Anne Høivik (t.v) og venninna Anita Edvardsen (t.h). Arnhild har eit spesielt forhold til Aasmund Kaldestad, som gjekk på kne for ho i opningsnummeret. (Alle foto: Ella Sandra Dahl Berland)
BURSDAGSGÅVE: Arnhild Jebsen (i midten) fekk ein heilaftan på Haaheim Gaard i bursdagsgåve av søstera Anne Høivik (t.v) og venninna Anita Edvardsen (t.h). Arnhild har eit spesielt forhold til Aasmund Kaldestad, som gjekk på kne for ho i opningsnummeret. (Alle foto: Ella Sandra Dahl Berland)

Ei alle tiders bursdagsgåve

Arnhild Jebsen frå Bergen fekk ein heilaftan på Haaheim Gaard i bursdagsgåve, ei oppleving ho seint vil gløyma.
Publisert 20.10.2019 kl. 16.56. Oppdatert kl. 16.59.

Søstera Anne Høivik og venninna Anita Edvarsen bestemte seg for å gjera ekstra stas på Arnhild i år, og spanderte billett til operagalla med dei 3 Tenorane Aasmund Kaldestad, Henrik Hundsnes og David Fielder, og pianist Steffen Horn.

– Det var ein strålande kveld, både på musikkfronten, og mat- og vinmessig. Og med omgjevnadane, ikkje minst, seier Arnhild.

Ho har såvidt vore innom Haaheim Gaard ein gong etter ein tur på Tysnessåta, og synest det var supert å få oppleva garden med god mat og atmosfære i går.


Ei utruleg oppleving

Arnhild har eit spesielt forhold til Aasmund Kaldestad, éin av dei tre tenorane. Han har sunge i begravelsen til både mannen og mora hennar, og i Arnhild sin 60-årsdag. Dette gjer at han har fått ein spesiell plass i hjartet hennar.

– Me har ein ståande avtale om at dei må gje beskjed når dei har konsert i Bergen, seier ho, og fortel at ho har sett av den 1. desember til neste konsert i Bergen.

– Når eg høyrer Aasmund blir eg alltid kjempeglad. Og måten dei tre syng og opptrer på, er noko som treff deg midt i hjarterota. Dei gir så mykje av seg sjølv, skildrar ho.

Ho held fram med å fortelja at ho både lo og vart røyrd til tårar.

– Det var ei utruleg oppleving med dei tre tenorane og Steffen Horn, understrekar ho.


Var innom mange kjensler

Søstera Anne, som tok flyet frå Stavanger for å vera med på bursdagsopplevinga, var minst like fornøgd som Arnhild.

– Det var veldig bra. Det var humor og alvor, og eg lo og grein og var innom mange kjensler, fortel ho.

Det var venninna Anita Edvardsen frå Bergen som først tipsa om arrangementet, og sidan dei tre er glad i god mat, drikke og stemning, fann dei ut at dette kunne vera ei fin bursdagspresang. Etter konserten fekk dei servert 5-rettars middag med vin til alle rettane, og humoristiske forteljingar frå Torstein Hatlevik.

– Me fekk fantastisk god mat, god drikke og rom i flotte omgjevnader. Faktisk blei me oppgradert då dei fekk høyra at det var ei bursdagsgåve. Det var koseleg, og me er veldig fornøgde, avsluttar ho.


UNIK OPPLEVING: F.v. Henrik Husnes, David Fielder og Aasmund Kaldestad førte publikum gjennom eit spekter av kjensler, frå tårar til latter.
UNIK OPPLEVING: F.v. Henrik Husnes, David Fielder og Aasmund Kaldestad førte publikum gjennom eit spekter av kjensler, frå tårar til latter.
TALENT: Forutan å akkompagnera dei tre tenorane, hadde Steffen Horn slåande soloar.
TALENT: Forutan å akkompagnera dei tre tenorane, hadde Steffen Horn slåande soloar.

Siste saker Gå til framsida

Frelsesarmeen kjem til Tysnes

Eit fast innslag i Tysnes bedehus om hausten er song- og musikkveld med Ladegården Korps frå Frelsesarmeen. Fredag 15. november tek dei igjen turen til Tysnes.Som tidlegare slike kveldar står korpset for heile programmet. Dei stiller med brass- og korgruppe, dei held andakt og vitnesbyrd og får med seg alle frammøtte på fellessongen. Programmet er alltid prega av inspirasjon. I...