PRØVEKØYRING: Henrik Holm Sylta i Bruntveit Maskin prøver den nye 9-tonnaren til Kobelco under demonstrasjonen i Uggdal. Seljar Torstein Børve frå Etne kjem med tips og råd.
PRØVEKØYRING: Henrik Holm Sylta i Bruntveit Maskin prøver den nye 9-tonnaren til Kobelco under demonstrasjonen i Uggdal. Seljar Torstein Børve frå Etne kjem med tips og råd.

Demonstrerte flunkande nytt anleggsutstyr

Interesserte tysnesingar kunne torsdag prøvekøyra flunkande nye traktorar og gravemaskinar i Uggdal.
Publisert 23.10.2019 kl. 14.38.

To utabygds firma hadde med seg nytt anleggsutstyr for fleire millionar til demonstrasjonen på Uggdalseidet.

Ein av dei som prøvekøyrde det nye utstyret, var Henrik Holm Sylta i Bruntveit Maskin.

– Det er kjekt at Tysnes er eit område som er interessant for leverandørar, og at dei tek turen hit og viser fram noko av det dei har å tilby for entreprenørar og bønder i området. Bruntveit Maskin har to traktorar av dette merket frå før, seier Sylta.

Torstein Børve frå Etne og firmaet Entrack har med seg to gravemaskinar, ein Kobelco 5,5-tonnar og ein ny modell 9-tonnar Kobelco.

Torbjørn Kolltveit frå Øystese og Harald Bruhjell frå Oma og Jondal representerer Gules Mek i Øystese. Dei sel både små gravemaskinar og traktorar. Til Uggdal har med seg to nye Valtra-traktorar, ein på 110 hk og ein – etter journalisten sitt syn – kjempestor traktor på 250 hk. Den siste har ein prislapp på 1,25 millionar kroner + moms. Den største av dei to gravemaskinane kostar også over millionen pluss moms.

– Me er to firma som samarbeider og som er på rundreise i lag. Me må ut i distriktet og ut til kundane for å visa oss fram, seier Kolltveit.

Utstyret som dei har med seg høver ifølgje Kolltveit for småentreprenørar eller bønder som har brøyting eller entreprenørtenester som tilleggsnæring.

– Dei kjøper gjerne traktor og gravemaskin frå same leverandør. Me har fleire kundar på Tysnes, seier han.

Seljarane kom til Tysnes midt på dagen torsdag. Fredag hadde dei demonstrasjon på Hatlestrand, laurdag i Eikelandsosen og måndag var dei i Samnanger.

– Me tar oss rundturar som dette i distriktet innimellom, seier Bruhjell, som kjenner Tysnes godt som ferieplass om sommaren.


Siste saker Gå til framsida

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.

23 fleire tysnesingar i 2019

Ifølgje SSB sin statistikk var folketalet i Tysnes kommune 2.869 ved starten av 2020. Det betyr at folketalet har auka med 23 personar sidan starten på 2019. I løpet av det siste kvartalet har det blitt sju fleire tysnesingar.I løpet av 2019 blei det fødd 34 personar på Tysnes, noko som er tre meir enn i både 2018 og 2017. Dette fødselstalet er det nest høgste i kommunen i løpet av dei...

Vil du læra meir om andelslandbruk?

Laurdag blir det open gard på Nedre Helland Gard, og Anne-Grete Nedrebø og Vegard Helland har planlagt hyggelege aktivitetar for heile familien. Alle som er interesserte i å vita meir om kva som skjer på det nystarta andelslandbruket i Nordbustaddalen er hjarteleg velkomne til å ta turen. Dei vaksne kan...