HAUSTKONSERT: Åsne Sunniva Søreide kjem tilbake til Tysnes på søndag for å halda haustleg konsert i lag med Marianne Lindtner og gode vener frå Stjernekoret (på biletet) og Scenedrømkoret. (Arkivfoto)
HAUSTKONSERT: Åsne Sunniva Søreide kjem tilbake til Tysnes på søndag for å halda haustleg konsert i lag med Marianne Lindtner og gode vener frå Stjernekoret (på biletet) og Scenedrømkoret. (Arkivfoto)

Syng hausten inn

Marianne Lindtner og Åsne Sunniva Søreide kjem til Tysnes for å spreia haustlege tonar.
Publisert 26.10.2019 kl. 06.00.

Søndag blir det haustkonsert i ungdomshuset Vonheim, og Søreide fortel at dei har ei overrasking på lager til tysnesingane.

– Me elskar å syngja og formidla, seier ho, og lovar at dei tek med seg mykje god stemning. Med seg frå Bergen har dei gode vener frå Stjernekoret og Scenedrømkoret, som Søreide er dirigent for.

– Det blir mykje forskjellig på repertoaret, fortel ho. Dei skal innom både musikal, opera, jazz og allsong, med alt frå «O Sole Mio» til kjente og kjære norske songar. Gjengen har øvd på repertoaret i fem år, men i år blir det òg nye ting på programmet. Mellom anna skal dei syngja «Hallelujah» av Georg Fredrich Hendel, og «Ave Verum Corpus» av Mozart.

Kora har hatt årlege julekonsertar i Mariakirken, men i år skal dei ha julekonsert i Domkirken.

– Me blei heilt utseld i fjor, så i år måtte me booka ei større kyrkje, seier Søreide.

Sidan denne gjengen er så populær at dei blir utseld, kan det vera lurt å ta turen til Vonheim i helga.

– Tysnespublikummet er alltid eit godt publikum å syngja for, og me håpar at mange har anledning til å høyra oss på søndag, avsluttar Søreide.


Siste saker Gå til framsida

Knepent tap for J16

Heimepublikummet fekk oppleva ein tett og intens match då Jenter 16-laget møtte Sædalen søndag.

Vil låna ut gratis sportsutstyr

Frivilligsentralen har sendt inn søknad om midlar til innkjøp av sportsutstyr, og har planar om å starta opp gratistilbodet «Bua Tysnes», forhåpentlegvis til sommaren.