Inviterte tysnesingar på konsert i Vonheim

Åsne Sunniva Søreide tok kormedlemer frå Bergen med seg til konsert i Vonheim.
Publisert 29.10.2019 kl. 13.55. Oppdatert 30.10.2019 kl. 14.23.

Det blei ein vakker haustsøndag då Marianne Lindtner og Åsne Sunniva Søreide inviterte til konsert i ungdomshuset i Våge i kveldinga. Med seg frå Bergen hadde Marianne og Åsne medlemer frå dei to kora Stjernekoret og Scenedrømkoret. Men trass i det fine veret, tok nærare 30 personar turen og fekk med seg konsertopplevinga. På programmet stod eit variert repertoar med både musikal, opera, jazz og allsong.


Frå piano til munnspel

Det var unge Adam (13) Bahaa Oftedal på trombone med akkompagnement av mor hans Mathilde Oftedal på piano som opna konserten etter at Åsne hadde ynskt velkomen. Adam og Mathilde var med på fleire av framføringane i Vonheim denne kvelden, både dei to i lag og saman med koret.

Mathilde opptredde også åleine; ho hadde urframføring på piano av sitt eige musikkstykke «Livet går opp og ned».

Jan Erik Hammerstad hadde med seg fleire instrument, han spelte både trompet, munnspel og gitar, i tillegg til at han song på fleire av låtane.

– Eg har så mykje med meg at det var så vidt ferja heldt seg flytande, skjemta han innleiingsvis.

På eit av innslaga, «Rønnerdalsvalsen», opptredde Jan Erik åleine med gitar og song.


Var imponert

Åsne Søreide er lektor i musikk ved kulturskulen i Bergen. Ho er dirigent og har regien saman med pianist Marianne Lindtner for dei to kora Scenedrømkoret og Stjernekoret, som tel høvesvik 12 og 32 medlemer.

– Det var kjekt å koma til Tysnes til eit lydhøyrt og fantastisk publikum som kom med gode tilbakemeldingar. Det betyr mykje, seier ho.

To av dei frammøtte, Kirsten Nesse og Elise Tvedt, var begge imponert over det dei fekk høyra.

– Dette gjer seg ikkje sjølv. Det ligg mykje arbeid bak. Me er veldig godt nøgde, seier dei.

– Eg er veldig glad for at eg tok turen, seier Elise Tvedt.


Forsmak på julekonsert

Som del av konserten fekk me også høyra Marianne Lindtner og Åsne Søreide med fleire framføringar i lag, der Åsne song og Marianne akkompagnerte på paino.

Me fekk høyra Åsne syngja «Balladen om Fredrik Åkare och den söta fröken Cecilia Lind» av Cornelis Vreesvik, «You you raise me up», av Rolf Løvland i tillegg til opera og operetter.

Me fekk høyra «Ave Verum Corpus» av Mozart, «Edelweis», «Om eg var ein rikmann» og «O Sole Mio» for å nemna andre. Låtar av Edvard Grieg og Edith Piaf stod og på repertoaret.

Det store prosjektet for dei to kora Stjernekoret og Scenedrømkoret er den årlege julekonserten. I år er denne flytta frå Mariakyrkja i Bergen til den større kyrkja Domkirken for å få plass til fleire tilhøyrarar.

– I fjor var det altfor liten plass i Mariakyrkja. Det var kø langt nedover gata, fortel Åsne.

I år går den populære julekonserten av stabelen søndag 5. desember Domkirken i Bergen.

I Vonheim fekk me høyra ein smakebit på julekonserten, der Adam er ein av solistane på «Himlen i min favn». Dei avslutta konserten med allsong saman med publikum på «Gje meg handa di – når det mørknar».


HAUSTKONSERT: Åsne Sunniva Søreide og Marianne Lindtner hadde kormedlemer frå Scenedrømkoret og Stjernekoret med seg på haustkonsert i Vonheim. F.v. Marianne Lindtner, Mathilde Oftedal, Adam Bahaa Oftedal, Åsne Sunniva Søreide og Jan Erik Hammerstad.
HAUSTKONSERT: Åsne Sunniva Søreide og Marianne Lindtner hadde kormedlemer frå Scenedrømkoret og Stjernekoret med seg på haustkonsert i Vonheim. F.v. Marianne Lindtner, Mathilde Oftedal, Adam Bahaa Oftedal, Åsne Sunniva Søreide og Jan Erik Hammerstad.
OPNING: Adam (13) Bahaa Oftedal og mor hans Mathilde Oftedal opna konserten i Vonheim.
OPNING: Adam (13) Bahaa Oftedal og mor hans Mathilde Oftedal opna konserten i Vonheim.
YOU RAISE ME UP: Åsne hadde fleire framføringar med akkompagnement av Marianne på piano.
YOU RAISE ME UP: Åsne hadde fleire framføringar med akkompagnement av Marianne på piano.

Siste saker Gå til framsida

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.

Byggjer utvendig toalett

Det er vanskeleg å nå fram i tide for dei unge som treng rask veg til nødvendige ærend. Slik det er no, er ikkje tilhøva tilfredsstillande, skriv styrar i Stjernereiso barnehage.– Me har mykje toalettuhell. Det er dårleg for barna sin meistringsfølelse, og det går mykje ekstra tid der me er for få vaksne ute, argumenterer styraren.Rådmannen har lytta til ønsket frå barnehagen,...