SALMEKVELD: Organist André Eide og forsongar Maren Leite hadde mange fine framføringar under salmekvelden i Tysneskyrkja tysdag kveld.
SALMEKVELD: Organist André Eide og forsongar Maren Leite hadde mange fine framføringar under salmekvelden i Tysneskyrkja tysdag kveld.

– Me vil at kyrkjelyden skal bli kjent med salmane me har

Salmekvelden i Tysnes kyrkje tysdag kveld samla nærare femti personar.
Publisert 30.10.2019 kl. 13.49.

Avtroppande leiar i Tysnes sokneråd, Åse Enes, er godt nøgd med frammøtet.

– Dei kan angra dei som ikkje kom, seier ho.

Det var organist André Eide som hadde ansvaret for opplegget. Med seg hadde han Maren Leite som forsongar.

– Målet med salmekvelden er at kyrkjelyden skal bli kjent med dei flotte salmane me har, seier Åse Enes.

Ho var like spent som resten av kyrkjelyden på kva salmar som stod på programmet.

– Med så flinke aktørar må dette berre bli bra, kommenterer trusopplærar Heidi Hollekim.

Tolv ulike salmar hadde André Eide plukka ut til kvelden, tre av desse heilt nye som har vore lite sunge tidlegare.

– Målet er å læra litt nytt, og så syng me så godt me kan. Det viktigaste når ein skal syngja, er å opna munnen, la han humoristisk til.

Marten Leite opna kvelden med «Ein fin liten blome» med akkompagnement av André Eide på flygelet, før kyrkjelyden fekk sleppa til med sine songstemmer.

På programmet stod salmar som «Nærare deg, min Gud», «Det er navnet ditt jeg roper, vil du følge meg» og «Fordi han kom og var som morgenrøden og brøt Guds taushet og vår angst for døden».

Enkelte var korte, andre lange, som «Eg veit i himmerik ei borg, ho skin som soli klåre» på ti vers, men folk song med både på ukjente og kjente. Og for dei som har levd ei stund og hadde bibelsoga og salmevers på timeplanen i barneskulen, var «Eg veit i himmerik ei borg» ein kjent salme.

I ein pause innimellom synginga fekk me høyra eit vakkert musikkstykke av André Eide, før kvelden heldt fram med fleire både ukjente og kjente, som «Måne og sol, vindar og hav, blomar og born».

Maren Leite avslutta kvelden med «God Morgen, Min Kjære» av Benny Borg.

– Tusen takk for ein fantastisk flott kveld, helsa Åse Enes i det ho overrekte blomehelsingar til André og Maren.



BRA FRAMMØTE: Nærare femti personar tok turen til kyrkja denne kvelden.
BRA FRAMMØTE: Nærare femti personar tok turen til kyrkja denne kvelden.
SONG MED: Kyrkjelyden song flittig med på dei ulike salmane.
SONG MED: Kyrkjelyden song flittig med på dei ulike salmane.

Siste saker Gå til framsida

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.

Byggjer utvendig toalett

Det er vanskeleg å nå fram i tide for dei unge som treng rask veg til nødvendige ærend. Slik det er no, er ikkje tilhøva tilfredsstillande, skriv styrar i Stjernereiso barnehage.– Me har mykje toalettuhell. Det er dårleg for barna sin meistringsfølelse, og det går mykje ekstra tid der me er for få vaksne ute, argumenterer styraren.Rådmannen har lytta til ønsket frå barnehagen,...