SAMAN OM VEKST: Tysdag går den fyrste Bjørnafjordkonferansen av stabelen i Oseana på Os. (Foto Oseana)
SAMAN OM VEKST: Tysdag går den fyrste Bjørnafjordkonferansen av stabelen i Oseana på Os. (Foto Oseana)

Arne Hjeltnes blir konferansier på Bjørnafjorden-konferansen

Ei rekkje kjende føredragshaldarar blir med når den fyrste Bjørnafjorden-konferansen nokon gong går av stabelen komande tysdag.
Publisert 01.11.2019 kl. 17.00.

Arne Hjeltnes skal vera konferansier for dagen. Som føredragshaldarar har han med seg Kari Traa, Mons Ivar Mjelde og Ingebrigt Steen Jensen. I tillegg kjem konsernsjef i BKK, Jannicke Hilland, som har bakgrunn frå oljebransjen og sentrale jobbar i Hydro og Statoil, og Nina Broch Mathiesen frå Innovasjon Norge. Sistnemnde er hytteeigar i Tysnes.

Konferansen er eit samarbeid mellom Os, Tysnes, Austevoll, Fusa og Samnanger kommunar, og blir arrangert i Oseana på Os.

– Målet er å ha søkjeljos på det som me ser på som ein eigen næringsregion, seier Christoffer Kobbeltvedt i Fjordfolk, som er arrangør av konferansen.

Tittelen på arrangementet er «Saman om vekst», som skal vera ein heildagskonferanse.

– Det handlar om å sjå litt inn i framtida for regionen og korleis ein kan veksa saman og på tvers av lokasjonar og næringar. Målet er at dette skal vera ein møteplass for lokalt næringsliv i Bjørnafjorden-regionen, seier Kobbeltvedt.

– No handlar det om inspirasjon, motivasjon og suksesshistorier, seier Kobbeltvedt.

På programmet står og to seksjonar med «sofaprat», som skal vera ein hyggjeleg debatt der ein opnar for spørsmål frå salen. Den eine skal vera med ordførarane i alle kommunane, den andre med næringslivstoppar. Frå Tysnes vil ordførar Kåre Martin Kleppe og dagleg leiar på Mandelhuset, Patrick Madsen, delta.

– Målet er at Bjørnafjorden-konferansen skal vera eit høve til å knyta kontaktar, ein nettverksbyggjar, seier Christoffer Kobbeltvedt.


Siste saker Gå til framsida

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.

Byggjer utvendig toalett

Det er vanskeleg å nå fram i tide for dei unge som treng rask veg til nødvendige ærend. Slik det er no, er ikkje tilhøva tilfredsstillande, skriv styrar i Stjernereiso barnehage.– Me har mykje toalettuhell. Det er dårleg for barna sin meistringsfølelse, og det går mykje ekstra tid der me er for få vaksne ute, argumenterer styraren.Rådmannen har lytta til ønsket frå barnehagen,...