TILTALT: Ein mann frå Bømlo må møta i retten etter ei valdshending under Tysnesfest.
TILTALT: Ein mann frå Bømlo må møta i retten etter ei valdshending under Tysnesfest.

Bømling tiltalt for øyrebiting under Tysnesfest

Publisert 01.11.2019 kl. 12.18.

I politioppsummeringa av Tysnesfest i sommar kunne politiet mellom anna melda om eit basketak i hamna i Våge. Basketaket enda med at ein mann vart biten i øyra, og måtte på legevakta for å sy.

No er tiltalen mot gjerningspersonen, ein mann i slutten av 30-åra frå Bømlo, klar. Han er tiltalt for å ha slått ein annan mann fleire gongar i ansiktet/hovudet, før han beit offeret i øyra. Offeret vart påført tre kutt bak og på høgre øyra, og måtte tilsaman sy 25 sting. Hendinga gjekk føre seg om bord på ein båt som låg til kai i hamna.

Bømlingen må møta i Sunnhordland tingrett i januar.

Det var Stord24 som fyrst melde at mannen frå Bømlo var tiltalt for valdshendinga.


Siste saker Gå til framsida

Politiet: Seink farten

Politiet har fått inn gjentakande meldingar om høg fart på strekninga mellom Uggdal og Våge. – Me håpar at folk tek omsyn til andre trafikantar, og held fartsgrensa, oppmodar Susann Rosvold, politibetjent ved Tysnes lensmannskontor. Ho understrekar at det er spesielt viktig å ta det med ro no som det bikkar mot vinter og minusgrader, og det byrjar å bli glatt på vegen. –...

Skuletime i flytenaustet

Også denne hausten har 6. klassingane i kommunen fått høyra og læra om alle tysnesingane som var mannskap og offiserar på amerikanske yachter (jåttar på tysnesdialekta) i perioden 1900-1940. I fleire år har 6. klassingane vore inviterte til omvising og «skuletime» i flytenaustet om jåttseglarane. Elevane syner interesse for denne viktige brikka i Tysnes si nyare soge. Dei får...