SIGER: Linda Flornes og resten av Tysnes IL sitt damelag slo BSI 3 i Tysneshallen laurdag.
SIGER: Linda Flornes og resten av Tysnes IL sitt damelag slo BSI 3 i Tysneshallen laurdag.

– Imponerande bra

Tysnes IL sitt damelag tok sin andre siger for sesongen då BSI 3 vart slått i Tysneshallen laurdag.
Publisert 02.11.2019 kl. 18.00.

Med éin siger på dei tre fyrste kampane var damelaget til Tysnes IL på poengjakt då BSI 3 kom på besøk laurdag. Mange hadde møtt fram for å heia på heimelaget, og publikum fekk valuta for pengane.


Sterk fyrsteomgang

Det var bortelaget som scora det fyrste målet i kampen, men etter to raske mål av Julie Bakke hamna tysnesingane i leiinga. Ei leiing dei aldri gav frå seg i oppgjeret mot BSI. Tysnesingane herja i opningsminutta og leia 5–1 då det berre var spelt sju minutt, og bortelaget vart tvinga til ein tidleg time-out.

Resten av fyrsteomgangen vart ei oppvising i solid forsvarspel, og Tysnes sleppte berre inn seks mål før pause. Sjølv scora heimelaget elleve mål før sidebytte, og kunne dermed gå til pause med ei solid leiing.

Ein stor del av æra for pauseresultatet gjekk til keeper Ragnhild Dalland, som hadde ei rekkje høgt kvalifiserte redningar gjennom heile omgangen.

– Det betyr veldig mykje å ha ei god målvakt, samtidig so ho også fekk god hjelp frå forsvaret, sa trenar Sveinung Halvorsen til «Tysnes» i pausen.

Han var strålande nøgd med omgangen.

– Dei jobbar og slit. Det har vore ein kanonomgang, spesielt forsvarsmessig, sa han.


Nervepirrande andreomgang

Den andre omgangen opna jamt, og rann inn i begge endane i opningsminutta. Det var to lag som køyrte hurtige overgangar mot kvarandre, og i løpet av fem minutt var 11-6 blitt til 14-10.

Midten av omgangen tilhøyrte derimot fullt og heilt tysnesingane, og heimelaget var på det meste oppe i ei åttemålsleiing. BSI gav likevel ikkje opp, og kjempa seg inn i kampen igjen samtidig som Tysnes byrja å gjera litt enkle feil i angrep.

I løpet av ti minutt gjekk stillinga frå 20-12 til 23-19, og BSI var berre fire mål bak med fem minutt igjen å spela. Men då Signe Pettersen Opdal auka til 24-19 minuttet seinare, var sigeren i boks. Bortelaget reduserte to gongar til, og fastsette sluttresultatet til 24-21.

– Det blir litt spennande på slutten, fortel trenar Halvorsen etter kampen.

Han var i forkant av kampen usikker på motstandarlaget, og trudde det kunne bli ein tøff kamp.

– Me møter eit bra lag. Det er eit lag med mange gode enkeltspelarar, men ikkje så samspelte som oss, fortel Halvorsen.

Trenaren var i godt humør etter kampen, og hadde mykje skryt å dela ut.

– Det var imponerande bra, og fantastisk god innsats. Spelarane gjer som dei får beskjed om i pausen og når det er time-out.

Tysnesdamene står dermed med fire poeng på fire kampar, og klatra til femteplass på tabellen.

– Me har som mål å kjempa på øvre halvdel av tabellen, avsluttar Halvorsen.









TOPPSCORAR: Julie Bakke imponerte og vart heimelaget sin toppscorar med seks mål.
TOPPSCORAR: Julie Bakke imponerte og vart heimelaget sin toppscorar med seks mål.
FORSVAR: Trenar Sveinung Halvorsen skrytte av forsvarsspelet gjennom heile kampen, spesielt i fyrste omgang då heimelaget berre sleppte inn seks mål.
FORSVAR: Trenar Sveinung Halvorsen skrytte av forsvarsspelet gjennom heile kampen, spesielt i fyrste omgang då heimelaget berre sleppte inn seks mål.
TO KAMPAR: Unge Mia Jensen Nes spelte fyrst J16-kamp, før ho fekk mykje speletid på seniorlaget seinare på dagen.
TO KAMPAR: Unge Mia Jensen Nes spelte fyrst J16-kamp, før ho fekk mykje speletid på seniorlaget seinare på dagen.
MATCHVINNAR I MÅL: Keeper Ragnhild Dalland stod ein strålande kamp, og kunne ta mykje av æra for heimelaget sin pangstart.
MATCHVINNAR I MÅL: Keeper Ragnhild Dalland stod ein strålande kamp, og kunne ta mykje av æra for heimelaget sin pangstart.
TIME-OUT:Trenarane kom med tydelege beskjedar då det var time-out.
TIME-OUT:Trenarane kom med tydelege beskjedar då det var time-out.
APPLAUS: Både trenarar og spelarar på benken jubla for dei mange scoringane til heimelaget.
APPLAUS: Både trenarar og spelarar på benken jubla for dei mange scoringane til heimelaget.
MOTSTANDAR: Ein tidlegare Tysnes-spelar stod på motsett banehalvdel i dag. Martine Siglevik Lunde scora eitt mål for BSI, men klarte ikkje hjelpa bortelaget til siger over gamleklubben.
MOTSTANDAR: Ein tidlegare Tysnes-spelar stod på motsett banehalvdel i dag. Martine Siglevik Lunde scora eitt mål for BSI, men klarte ikkje hjelpa bortelaget til siger over gamleklubben.
SKOT: Sara Reimdal Vee putta fire mål mot bergensarane.
SKOT: Sara Reimdal Vee putta fire mål mot bergensarane.
JUBEL: Tysnesdamene kunne feira sine andre siger for sesongen.
JUBEL: Tysnesdamene kunne feira sine andre siger for sesongen.
NØGDE: Trenarduoen Sveinung Halvorsen og Terje Sløgedal var godt nøgde etter kampslutt.
NØGDE: Trenarduoen Sveinung Halvorsen og Terje Sløgedal var godt nøgde etter kampslutt.

Siste saker Gå til framsida

Politiet: Seink farten

Politiet har fått inn gjentakande meldingar om høg fart på strekninga mellom Uggdal og Våge. – Me håpar at folk tek omsyn til andre trafikantar, og held fartsgrensa, oppmodar Susann Rosvold, politibetjent ved Tysnes lensmannskontor. Ho understrekar at det er spesielt viktig å ta det med ro no som det bikkar mot vinter og minusgrader, og det byrjar å bli glatt på vegen. –...

Skuletime i flytenaustet

Også denne hausten har 6. klassingane i kommunen fått høyra og læra om alle tysnesingane som var mannskap og offiserar på amerikanske yachter (jåttar på tysnesdialekta) i perioden 1900-1940. I fleire år har 6. klassingane vore inviterte til omvising og «skuletime» i flytenaustet om jåttseglarane. Elevane syner interesse for denne viktige brikka i Tysnes si nyare soge. Dei får...