FORSVAR: Tysnes-jentene fekk mykje å gjera i forsvar då dei tapte mot Bjarg 2 i Tysneshallen laurdag.
FORSVAR: Tysnes-jentene fekk mykje å gjera i forsvar då dei tapte mot Bjarg 2 i Tysneshallen laurdag.

Tapte mot serieleiaren

J16-laget kjempa godt, men Bjarg 2 vart for sterke i Tysneshallen laurdag.
Publisert 03.11.2019 kl. 19.00.

– Det gjekk betre enn sist me møtte dei.

Det er dommen til J16-spelar Kristine Pettersen Opdal etter tapet for Bjarg 2 laurdag. Dei tilreisande bergenserane er klare serieleiarar, og har vunne alle seks kampane dei har spelt denne sesongen, inkludert mot Tysnes på heimebane.

Då vann Bjarg 31–10, og sjølv om dei også vann klart i Tysneshallen laurdag, fekk dei meir motstand enn sist.

– Me gjer ein grei kamp med tanke på motstandarane, seier Brita Austvik, som fortel at Bjarg-laget eigentleg er eit av dei beste J15-laga i Bergen, som også stiller lag i J16.


Jamn opning

Tysnesingane hang lenge med mot bergensarane, og halvvegs i fyrste omgang var stillinga 5-5. Deretter tok bortelaget over, og til pause var stillinga 9-15 til Bjarg.

Tysnes-jentene fekk ein også ein dårleg start på andre omgang, og i løpet av dei fyrste seks minutta auka Bjarg leiinga til 11-20. Resten av omgangen var betre for heimelaget, og tysnesingane klarte å følgja Bjarg i fleire periodar.

Sluttresultatet vart 18-32, og Tysnes kan vera godt nøgd med å ha scora 18 mål på serieleiarane. Så langt i sesongen er det berre Sædalen som har scora fleire på Bjarg.

J16-laget har spelt fem kampar så langt i haust, og står med éin siger. Kristine og Brita har likevel tru på at dei skal kjempa om mange poeng i løpet av sesongen.

– Eg håpar me kan slå ein del av dei andre laga. Me har for eksempel pleidd å slå Stord, men dei tapte me for tidlegare i haust, seier sistnemnde.


Trenar i lag

Nytt av sesongen er at Jenter 16-laget trenar i lag med seniorlaget. Dei som er fylt 16 er også gamle nok til å spela seniorkampar, og fleire var i aksjon også då damelaget slo BSI 3 seinare på laurdagen.

J16-trenar Geir Austvik er godt nøgd med at samarbeidet med seniorane.

– Det er veldig positivt at me er ei stor treningsgruppe. Det gjev mange positive effektar på sikt, fortel Austvik.

Trenar for seniorlaget, Sveinung Halvorsen, er også glad for å ha J16-laget med på treningane.

– Det er ein kjempefordel. Då er me to lag på trening, og får meir realistiske speløkter, seier han.





TØFF MOTSTAND: Brita Austvik var greitt nøgd med prestasjonane med tanke på den tøffe motstandaren.
TØFF MOTSTAND: Brita Austvik var greitt nøgd med prestasjonane med tanke på den tøffe motstandaren.
KANT: Elise Vermedal fekk med seg ein scoring frå sida.
KANT: Elise Vermedal fekk med seg ein scoring frå sida.
MÅLVAKT: Keeper Emma Marie Bruntveit fekk mange skot på seg, og hadde fleire gode redningar.
MÅLVAKT: Keeper Emma Marie Bruntveit fekk mange skot på seg, og hadde fleire gode redningar.
TO MÅL: Sjølv om det vart tap, er det ikkje mange lag som har klart å scora 18 mål på Bjarg i år. Mia Jensen Nes bidrog med to.
TO MÅL: Sjølv om det vart tap, er det ikkje mange lag som har klart å scora 18 mål på Bjarg i år. Mia Jensen Nes bidrog med to.
GOD KAMP: Maren Jensen Nes spelte ein god kamp mot Bjarg.
GOD KAMP: Maren Jensen Nes spelte ein god kamp mot Bjarg.
TØFF START: J16-laget har førebels berre éin siger på fem kampar, men spelarane har tru på at dei skal plukka fleire poeng etter kvart.
TØFF START: J16-laget har førebels berre éin siger på fem kampar, men spelarane har tru på at dei skal plukka fleire poeng etter kvart.

Siste saker Gå til framsida

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.

Byggjer utvendig toalett

Det er vanskeleg å nå fram i tide for dei unge som treng rask veg til nødvendige ærend. Slik det er no, er ikkje tilhøva tilfredsstillande, skriv styrar i Stjernereiso barnehage.– Me har mykje toalettuhell. Det er dårleg for barna sin meistringsfølelse, og det går mykje ekstra tid der me er for få vaksne ute, argumenterer styraren.Rådmannen har lytta til ønsket frå barnehagen,...