9. PLASS: Tysnes musikklag, med Nick Hughes som solist, vart nummer ni i 2. divisjon i Siddis Brass laurdag. (Begge foto: Astrid Belt)
9. PLASS: Tysnes musikklag, med Nick Hughes som solist, vart nummer ni i 2. divisjon i Siddis Brass laurdag. (Begge foto: Astrid Belt)

9. plass i Siddis

Dirigent Yngve Nikolaisen er toleleg nøgd med musikklaget sitt resultat i Siddis laurdag.
Publisert 03.11.2019 kl. 13.00.

Laurdag gjekk Siddis Brass av stabelen i Stavanger, og Tysnes musikklag var sjølvsagt på plass. Dei var ute etter å forsvara fyrsteplassen i 2. divisjon i fjor, men måtte i år ta til takke med 9. plassen.

– Det er nesten godt gjennomført speling, fortel dirigent Yngve Nikolaisen.

Han var toleleg nøgd med framføringa.

– Det var mange gode augneblink, og fin innsats frå solist Nick Hughes, seier Nikolaisen.

Programmet til tysnesingane bestod av «Rhapsody on sea shanties», «Don’t doubt him now», «Vem kan segla förutan vind» og finalen frå «Voyage of discovery».

Det var Radøy Brass som gjekk heilt til topps i 2. divisjon med 102 poeng, eitt poeng framfor Haukås Musikklag. Tysnes enda 88 poeng, og dermed 9. plass av 13 deltakande korps i divisjonen.

– Det er ein særs jamn divisjon, der det ikkje er stor nivåforskjell mellom fyrste- og sisteplass, avsluttar Nikolaisen.

Les også: – Det var heilt naturleg å takka ja


TIL STAVANGER: Siddis pleier å vera ein del av årsprogrammet til Tysnes musikklag, og er eit av dei største brass-arrangementa i landet.
TIL STAVANGER: Siddis pleier å vera ein del av årsprogrammet til Tysnes musikklag, og er eit av dei største brass-arrangementa i landet.

Siste saker Gå til framsida

Politiet: Seink farten

Politiet har fått inn gjentakande meldingar om høg fart på strekninga mellom Uggdal og Våge. – Me håpar at folk tek omsyn til andre trafikantar, og held fartsgrensa, oppmodar Susann Rosvold, politibetjent ved Tysnes lensmannskontor. Ho understrekar at det er spesielt viktig å ta det med ro no som det bikkar mot vinter og minusgrader, og det byrjar å bli glatt på vegen. –...

Skuletime i flytenaustet

Også denne hausten har 6. klassingane i kommunen fått høyra og læra om alle tysnesingane som var mannskap og offiserar på amerikanske yachter (jåttar på tysnesdialekta) i perioden 1900-1940. I fleire år har 6. klassingane vore inviterte til omvising og «skuletime» i flytenaustet om jåttseglarane. Elevane syner interesse for denne viktige brikka i Tysnes si nyare soge. Dei får...