KONSERT: Henning Kvitnes leverte varene på Mandelhuset laurdag. Med var også den utflytta bergensaren Trond Helge Johnsen, som også fekk spela nokre av sine eigne låtar.
KONSERT: Henning Kvitnes leverte varene på Mandelhuset laurdag. Med var også den utflytta bergensaren Trond Helge Johnsen, som også fekk spela nokre av sine eigne låtar.

– Det var heilt fantastisk

Henning Kvitnes bydde opp til allsong då han spelte for eit fullsett Mandelhus laurdag kveld.
Publisert 03.11.2019 kl. 11.00.

– Det var heilt fantastisk, fortel Sidsel Lie etter Henning Kvitnes-konserten på Mandelhuset laurdag.

Ho var ein av mange publikummarar som hadde mange store lovord om kvelden. Henning Kvitnes, saman med Trond Helge Johnsen, skapte allsong og god stemning, og mottok ståande applaus tilbake frå publikum.

– Ein får ikkje betre. Han er ein av toppane i Norge, seier Per Vermedal etter forestillinga.


Hitparade

Kvitnes og Johnsen heldt konserten gåande i halvanna time, og serverte både dei største hitane og nyare låtar frå Kvitnes sin djuptgåande låtkatalog. Duoen framførte også nokre av Johnsen sine eigne låtar, mellom anna «En rastløs sjel», som fekk gode tilbakemeldingar frå publikum.

Men det var Kvitnes sine mest kjende låtar som skapte størst entusiasme, og allsongen runga på slagarar som «Evig Eies (Kun Et Dårlig Rykte)», «Sånne som oss» og «Guttær». Sjømannsvisa «Siste Reis» var også eit av dei store høgdepunkta i konserten.


Varme og humor

Det var meir enn berre musikken som gledde publikum. Kvitnes og Johnsen brukte mykje humor mellom låtane, og skapte ein perfekt kombinasjon av laussleppt og varm atmosfære blant dei 110 publikummarane.

Mandelhuset har hatt mange gode konsertar, men sjeldan har publikum vore så entusiastiske og engasjerte i allsong som på laurdag kveld. Kvitnes er definitivt velkomen tilbake til Tysnes i framtida.


UTSELD: Kvitnes er populær på Tysnes, og konserten på Mandelhuset var utseld.
UTSELD: Kvitnes er populær på Tysnes, og konserten på Mandelhuset var utseld.
KJENDE SONGAR: Publikum fekk oppleva hitar som «Sånne som oss», «Siste reis» og «Evig Eies (Kun Et Dårlig Rykte)».
KJENDE SONGAR: Publikum fekk oppleva hitar som «Sånne som oss», «Siste reis» og «Evig Eies (Kun Et Dårlig Rykte)».

Siste saker Gå til framsida

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.

Byggjer utvendig toalett

Det er vanskeleg å nå fram i tide for dei unge som treng rask veg til nødvendige ærend. Slik det er no, er ikkje tilhøva tilfredsstillande, skriv styrar i Stjernereiso barnehage.– Me har mykje toalettuhell. Det er dårleg for barna sin meistringsfølelse, og det går mykje ekstra tid der me er for få vaksne ute, argumenterer styraren.Rådmannen har lytta til ønsket frå barnehagen,...