HØGTLESING: Hennika Iversen, Maria Pichardo Bjordal og Jonatan Løve Gjersvik følgde nøye med då Ingelin Røssland las høgt frå bøkene sine.
HØGTLESING: Hennika Iversen, Maria Pichardo Bjordal og Jonatan Løve Gjersvik følgde nøye med då Ingelin Røssland las høgt frå bøkene sine.

– Det er morosamt å læra om blod

Søndag besøkte Ingelin Røssland biblioteket for å lesa høgt frå barnebøkene «Hårete fakta» og «Blodige fakta».
Publisert 05.11.2019 kl. 14.43. Oppdatert 06.11.2019 kl. 08.31.

– Det er morosamt å læra om blod, fortel unge Hennika Iversen.

Saman med venninna Maria Pichardo Bjordal var ho til stades på biblioteket søndag for å høyra på forfattar Ingelin Røssland.Røssland har nyleg gjeve ut bøkene «Hårete fakta» og «Blodige fakta», og dei frammøtte på biblioteket, både barn og vaksne, fekk læra mykje nytt om hårfrisyrar, kroppshår, vampyrar og mat laga av blod.

– Det var veldig morosamt, fortel Maria.


Blodtaco

Spesielt «mattipsa» var artige å høyra på, sjølv om verken blodpølse eller blodpannekaker freista dei yngste noko særleg.

– Eg skal heim og eta taco, seier Hennika.

– Blodtaco? spør Norunn Bjordal, mor til Maria.

– Nei, ikkje blodtaco, svarar Hennika bestemt.

Ingelin var sjølv godt nøgd med gjennomføringa.

– Det er kjekt når det er aktive barn med, fortel ho.

Hennika og Maria hadde også kledd seg ut, og fekk dermed med seg kvar si bok heim i premie, som dei begge gledde seg til å lesa.


Falske fakta

Bøkene til Ingelin inneheld mykje interessante fakta, for eksempel om korleis folk i mellomalderen farga håret sitt. Sjølv om bøkene fyrst og fremst er berekna for barn, kan vaksne også læra av dei.

– Barn liker å vita ting som ikkje foreldra veit, og eg trur det gjer det mykje gøyare for barna å læra, seier Ingelin, som samtidig avslørar sitt neste bokprosjekt i same serie.

– Den neste boka handlar om falske fakta. Den skal handla om nokre av dei mytene som det ofte er greitt for foreldre å lena seg på, seier ho.

Ingelin fortel at ho trivst godt med å skriva faktabøker for barn.

– Eg jobba i Newton i mange år, og synest det er utruleg kjekt å formidla naturvitskap til barn, seier ho.


TIL TYSNES: Ingelin Røssland er opphaveleg frå Tysnes, men har budd i Sverige i ti år. Ho syntest det var kjekt å koma tilbake til Tysnes med «bokshowet» sitt.
TIL TYSNES: Ingelin Røssland er opphaveleg frå Tysnes, men har budd i Sverige i ti år. Ho syntest det var kjekt å koma tilbake til Tysnes med «bokshowet» sitt.

Siste saker Gå til framsida

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.

Byggjer utvendig toalett

Det er vanskeleg å nå fram i tide for dei unge som treng rask veg til nødvendige ærend. Slik det er no, er ikkje tilhøva tilfredsstillande, skriv styrar i Stjernereiso barnehage.– Me har mykje toalettuhell. Det er dårleg for barna sin meistringsfølelse, og det går mykje ekstra tid der me er for få vaksne ute, argumenterer styraren.Rådmannen har lytta til ønsket frå barnehagen,...