GENERALPRØVE: Tysnes skulekorps framførte Bømloblåsen-programmet for publikum i Tysneshallen onsdag.
GENERALPRØVE: Tysnes skulekorps framførte Bømloblåsen-programmet for publikum i Tysneshallen onsdag.

Inviterte til haustkonsert med generalprøve før Bømloblåsen

Publikum fekk oppleva mykje flott korpsmusikk då Tysnes skulekorps inviterte til haustkonsert i Tysneshallen.
Publisert 07.11.2019 kl. 16.13.

Laurdag reiser Tysnes skulekorps til Bømlo for å delta på Bømloblåsen. I den anledning inviterte dei onsdag kveld til haustkonsert i hallen, som dermed vart generalprøva før Bømlo-turen.

I tillegg til skulekorpset si speling, var også Onarheim musikklag inviterte til å framføra nokre låtar. Dei opna med «Sol og vår», som er den fyrste marsjen musikklaget spelte for 65 år sidan, før dei fortsette med «Aye waukin o», med Vidar Storesætre som solist. Deretter følgde «Anne Knutsdotter», som programleiar for kvelden, Arve Belt, omtala som Onarheim sin nasjonalsong. Programmet vart avslutta med «The Lost Chord».


Hausta applaus

Deretter var det skulekorpset sin tur. Dei spelte det same programmet som dei skal framføra på Bømlo laurdag. Dirigent Nick Hughes losa elevane gjennom eit variert og flott program, og spelinga hausta stor applaus blant publikum.

Elisabeth Helgesen og Justine Balode er to av dei mest erfarne i skulekorpset, og var greitt nøgd med gjennomføringa på haustkonserten.

– Det kunne gått betre, men det var greitt med tanke på kor lite me har øvd på det, fortel Elisabeth.

Dei er klare for Bømloblåsen, men fortel at det ting pleier å sitja bedre i konkurransane litt seinare i sesongen, spesielt når dei yngste musikarane får litt meir tid på seg.

Medan Elisabeth går i fyrsteklasse på vidaregåande, går Justine i niandeklasse. Det betyr at begge er blant dei eldste og mest rutinerte i skulekorpset.

– Det er greitt å kunna vera med og hjelpa dei yngste, fortel Elisabeth.


Trivst med korps

Dei to jentene har ingen planar om å gje seg musikken med det fyrste.

– Eg øver ganske mykje, fortel Justine, som med eit smil innrømmer at øvinga i blant blir prioritert framfor lekser.

– Kvifor øver du så mykje?

– Fordi eg liker å spela, og eg vil prestera best mogleg, svarar ho.

Begge skryter av korleis det er å vera med i korps.

– Det er nokon som trur det er kjedeleg, men me har det gøy på øvingane, fortel Justine.

– I tillegg vert me kjent med andre som speler i korps andre stader, og får nye venner, seier Elisabeth.





SOLIST: Marte Stien fekk prøva seg som solist.
SOLIST: Marte Stien fekk prøva seg som solist.
KORPS: Også Onarheim Musikklag hadde nokre musikalske innslag på konserten.
KORPS: Også Onarheim Musikklag hadde nokre musikalske innslag på konserten.
ONARHEIM: Vidar Storesætre var musikklaget sin solist på «Aye waukin o».
ONARHEIM: Vidar Storesætre var musikklaget sin solist på «Aye waukin o».
TUR: Laurdag reiser skulekorpset til Bømlo for å delta på Bømloblåsen.
TUR: Laurdag reiser skulekorpset til Bømlo for å delta på Bømloblåsen.
KONSERT: Det er Nick Hughes som er dirigent for skulekorpset.
KONSERT: Det er Nick Hughes som er dirigent for skulekorpset.
LODDSAL: I tillegg til korpsmusikk inviterte skulekorpset på kveldsmat og utlodding, sistnemnte vart leia av Arve Belt med gode hjelparar.
LODDSAL: I tillegg til korpsmusikk inviterte skulekorpset på kveldsmat og utlodding, sistnemnte vart leia av Arve Belt med gode hjelparar.

Siste saker Gå til framsida

Lesarbrev: Bli kjent-fest

Frå tida i skule og utdanning hugsa eg at det ved starten av skulen vart arrangert bli kjent-fest. Intensjonen var at elevane skulle møtast for å bli kjent med kvarandre. Etter å ha budd på Reksteren no dei siste åtte åra, har tanken streifa meg om me skulle ha arrangert slike festar iblant på Reksteren. Eg observerer at det som før var eit fenomen i byar og tettstader – at folk kan bu tett...

Høsttur med Tysnes reiselag

Tradisjonen tro dro Tysnes reiselag innover mot Hardanger for å teste årets smalahove. Det vil si, noen ville teste dette som noen kaller en delikatesse.