BRANN: Brannvesenet måtte rykka ut til ein bilbrann i formiddag. (Foto: Ella Sandra Dahl Berland)
BRANN: Brannvesenet måtte rykka ut til ein bilbrann i formiddag. (Foto: Ella Sandra Dahl Berland)

Bil blei overtent ved Onarheimsvatnet

Brannvesenet måtte rykka ut til overtent bil ved Onarheimsvatnet torsdag føremiddag.
Publisert 07.11.2019 kl. 11.47. Oppdatert kl. 15.59.

Det var ein personbil som hadde teke fyr, ved nordsida av Onarheimsvatnet. Det var ein person i bilen. Vedkomande kom seg ut. Personen, ein mannleg bilførar i 40-åra, kom uskadd frå hendinga, og varsla sjølv naudetatane.

Brannsjef Torfinn Kongsvik opplyser til «Tysnes» at det var full fyr i bilen då brannvernet sin patrulje kom til staden.

– Brannen oppstod i eit område utan bebygging. Me var litt bekymra for ei kraftlinje som gjekk rett over plassen der bilen stod, men det gjekk fint, seier Kongsvik.

Trafikken blei stengt i begge retningar inntil brannen blei slokka.

– Politi- og brannpatrulje kom til staden mellom ti og 15 minutt etter at naudetatane blei varsla, opplyser Susann Rosvold, politibetjent ved Tysnes lensmannskontor.

Det gjekk kring 25 minutt frå meldinga kom inn, til brannen var slokka og trafikken gjekk som normalt igjen.


Siste saker Gå til framsida

– Veldig skummelt

Hanne Sofie (11) og Milla (9) spelte heilt åleine for ein fullsett kulturkyrkje på den årlege julekonserten til Onarheim Musikklag.

Leiar: Skulesatsing er viktig for lokal optimisme

Tysnes kommune satsar 70 millionar på eit flunkande nytt mellomtrinn på Tysnes skule. Det er ei offensiv og positiv satsing på skulen i Tysnes.I sist veke blei det kjent at det er det byggjefirmaet Leigland Bygg frå nabokommunen Fusa som får oppdraget. Kontrakten skal skrivast under i komande veke. Då skal alt...

Starta ein ny tradisjon

Då Maren (10) skulle opptre på julekonserten i Tysnes kyrkje i kveld, blei ein ny tradisjon skapt for familien Lunde.