QUIZ:«Tysnes» lokka med quiz på yrkesmessa, samt moglegheita for å tipsa om saker.
QUIZ:«Tysnes» lokka med quiz på yrkesmessa, samt moglegheita for å tipsa om saker.

Tre personar vann «Tysnes»-abonnement

Publisert 07.11.2019 kl. 13.00.

På yrkesmessa hadde «Tysnes» ein eigen stand, der det mellom anna var mogleg å delta i quiz om nyhendebiletet på Tysnes. Både ungdomar og vaksne prøvde seg på dei 20 spørsmåla, og best av alle var Alma Vermedal, som svarte riktig på 16 av dei 20 spørsmåla. Ho vinn dermed eit halvt års digitalt abonnement på «Tysnes».

• Les også: Fekk møta lokale bedrifter


Prestisjeduell

Kampen om andreplassen stod mellom ordførar Kåre Martin Kleppe og varaordførar Arne Leite. Begge gjekk ivrig inn i prestisjeduellen, med klart mål om å ikkje tapa for motparten. Det unngjekk begge, for både ordføraren og varaordføraren enda på 14 1/2 poeng og delt andreplass.

I tillegg til at vinnaren Alma fekk premie, vart det også trekt ut ein tilfeldig vinnar blant alle som var med og «quizza». Denne heldige vinnaren vart Lillian Luth-Hansen, som også får eit halvt års digitalt «Tysnes»-abonnement.Me gratulerer både Alma og Lillian med premiane.


Kom med gode tips

På «Tysnes» sin stand kunne ein også vera med i trekninga av eit halvt års gratis abonnement, ved å svara på spørsmåla «Kva liker du best å lesa om i lokalavisa?», og «Har du tips til ei god sak?».

Mange tok seg tid til å koma med nyttige innspel til lokalavisa, og me i redaksjonen set stor pris på alle svara! I ei tilfeldig trekning etter messa, blei Bjørn Helge Epland vald ut som premievinnar. Gratulerer!


Siste saker Gå til framsida

Deltok på høyring på Stortinget

Kåre Martin Kleppe fekk lufta tankar om ferjetilbodet i distrikta på Stortinget.– Det gjekk veldig bra, fortel ordførar Kåre Martin Kleppe.Tysdag var han i Oslo, med sjølvaste Stortinget som destinasjon. Kommunal- og forvaltningskomitéen hadde open høyring i saka «tiltak for ein bedre fergepolitikk i Distrikts-Norge».Der fekk Kleppe og Austevoll-ordførar Morten Storebø...

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.