JUBLA: Det var ein glad gjeng frå Njardar G14 som torsdag kveld kunne feira seriemeisterskap etter ein knallsiger på heimebane mot Odda. (Alle foto: Ella Sandra Dahl Berland)
JUBLA: Det var ein glad gjeng frå Njardar G14 som torsdag kveld kunne feira seriemeisterskap etter ein knallsiger på heimebane mot Odda. (Alle foto: Ella Sandra Dahl Berland)

Njardar fekk revansj

Jubelen braut laus då Njardar G14 skjønte at seriemeisterskapen var i boks.
Publisert 08.11.2019 kl. 12.00.

Torsdag hadde Njardar G14 sin siste heimekamp på Reiso mot Odda, dei einaste Njardar har tapt mot i vår. Både revansj og seriemeistertittel stod på spel. Med siger eller uavgjort ville heimelaget vinna pulja. Med det som var ein intens kamp mot bortelaget, klarte Njardar å skåra i alt 7-1 mot Odda.

– Me er stolte! Me er eit godt lag, og me er flinke på å vera først på ballen heile tida, seier Jonas Hagen-Lunde og Torgeir Mølrup Kaldefoss.

Dei fortel om ein nervepirrande kamp, særleg i dei første tjue minutta av kampen. Då var stillinga 1-0 til Njardar, grunna sjølvmål ifrå ein corner hjå Odda.

– Me hadde berre eitt mål inne, og dei pressa oss ekstra hardt. Eg føler meg tryggare når me har to mål å gå på, seier Jonas.


Sigeren i boks

Då Torgeir kom på bana dei siste tjue minutta, leia Njardar 2-0 mot Odda.

– Me fekk løyst knuten i slutten av spelet. Me måtte først gjennom forsvarsleddet, seier han.

Når knuten var løyst, fekk Njardar inn fire nye mål mot bortelaget.

– Så fekk Odda eitt mål, då var det 6-1. Men då var det berre fem minutt igjen, og me leia allereie med fem mål. Så me visste at sigeren var i boks, smiler Torgeir.


Målmaskin

Jonas bidrog med to av sju mål mot Odda, og med heile 37 målskåringar i år, er han lagets toppskårar.

– Han er ein målmaskin! seier Torgeir.

Torgeir starta å spela på Njardar i vår, og fortel at det er fantastisk å få vera på eit så godt lag, med så mange gode spelarar.

– Og det er veldig kjekt å få med fleire som Torgeir, som synest fotball er gøy, legg Jonas til.

– Me presterer bra som lag, og me har trening tre gongar i veka når me har tid. Og så ofte som me kan, fortel han.


Kontinuerleg jobbing

Etter kampen blei det ei velfortent feiring av sesongavslutninga, og ikkje minst seriemeisterskapen, med pizza og brus.

– Odda er eit godt lag, og dei einaste som slo oss i vårsesongen. Då hadde me vunne pulja i vår, så det var ein revansjelysten gjeng som hadde lyst til å slå dei einaste som slo oss i vår, fortel trenar Ronny Hagen.

– Det er kontinuerleg jobbing. Eg er stolt på gutane sine vegner. Det er dei som gjer at me yter, og har blitt så flinke som me har blitt, seier han.

Hagen fortel at kampen låg og vippa, fram til gutane fekk overtaket.

– Då «mela» me på. Dei er trygge på at dei er gode nok til å skåra fleire mål i løpet av kampane. Og det gjorde me i dag og, avsluttar han.


NERVEPIRRANDE: Njardar fekk hard motstand frå bortelaget Odda, men i siste del av kampen fekk dei til slutt overtaket på rivalane.
NERVEPIRRANDE: Njardar fekk hard motstand frå bortelaget Odda, men i siste del av kampen fekk dei til slutt overtaket på rivalane.
REVANSJ: Odda er det einaste laget Njardar tapte mot i vår. Men dei lèt seg ikkje pilla på nasen denne gongen.
REVANSJ: Odda er det einaste laget Njardar tapte mot i vår. Men dei lèt seg ikkje pilla på nasen denne gongen.
GODT TEAMARBEID: Torgeir Mølrup Kaldefoss og Jonas Hagen-Lunde er stolte over resultatet, og fortel at dei er eit sterkt lag som trenar så mykje dei kan.
GODT TEAMARBEID: Torgeir Mølrup Kaldefoss og Jonas Hagen-Lunde er stolte over resultatet, og fortel at dei er eit sterkt lag som trenar så mykje dei kan.
7-1: Etter ein seig start, fekk Njardar til slutt overtaket på motstandarane.
7-1: Etter ein seig start, fekk Njardar til slutt overtaket på motstandarane.

Siste saker Gå til framsida

Lesarbrev: Bli kjent-fest

Frå tida i skule og utdanning hugsa eg at det ved starten av skulen vart arrangert bli kjent-fest. Intensjonen var at elevane skulle møtast for å bli kjent med kvarandre. Etter å ha budd på Reksteren no dei siste åtte åra, har tanken streifa meg om me skulle ha arrangert slike festar iblant på Reksteren. Eg observerer at det som før var eit fenomen i byar og tettstader – at folk kan bu tett...

Høsttur med Tysnes reiselag

Tradisjonen tro dro Tysnes reiselag innover mot Hardanger for å teste årets smalahove. Det vil si, noen ville teste dette som noen kaller en delikatesse.