TRAFF KJENTFOLK: Anita Olsen (t.h.) har vakse opp i Lunde, men bur i Bergen med mannen Gunnar Lønningen. Laurdag var dei på hytta på Tysnes, og då såg ho sitt snitt til å treffa igjen gamle kjente på laurdagens arrangement i Frilund. (Alle foto: Ella Sandra Dahl Berland)
TRAFF KJENTFOLK: Anita Olsen (t.h.) har vakse opp i Lunde, men bur i Bergen med mannen Gunnar Lønningen. Laurdag var dei på hytta på Tysnes, og då såg ho sitt snitt til å treffa igjen gamle kjente på laurdagens arrangement i Frilund. (Alle foto: Ella Sandra Dahl Berland)

Nostalgi i Frilund

– Veldig kjekt, og utruleg koseleg, seier Anita Olsen.
Publisert 10.11.2019 kl. 17.20. Oppdatert kl. 19.46.

Laurdag arrangerte Lunde ungdomslag pubkveld med dans i ungdomshuset Frilund, og Øystein Schnelle med brør stod for dansemusikken.

For Anita Olsen frå Bergen var laurdagskvelden i Lunde ei ekstra spesiell oppleving.

– Eg er oppvakse i Lunde, men eg har ikkje vore her på mange år, seier ho.

Anita bur i dag i Bergen i lag med mannen Gunnar Lønningen, og i lag har dei hytte på Gjerstad.

– Eg må alltid tilbake til Tysnes, seier ho.


Godt å treffa kjentfolk

Anita fortel at musikarane minner ho særleg mykje om ungdomstida.

– Kolbjørn og Karsten, dei spelte alltid opp til dans her i Lunde då eg var ung, mimrar ho.

Ho synest det er utruleg kjekt at ungdomslaget har slike tilstelningar.

– Det er veldig positivt med slike arrangement. Det er ein fin måte å halda kontakten med folk frå ungdomstida, seier ho.

– Det var godt å treffa igjen gamle kjente, og utruleg koseleg musikk, avsluttar ho.


Danseglad

Ei av dei som var fleire rundar ute på dansegolvet frå tidlig på kvelden, er Elin Vevatne frå Malkenes.

– Det er alltid kjekt å bli bydd opp til dans, strålar ho, etter ein svingom med Per Harald Bakke frå Hagen.

Ho er alltid med når det skjer noko i Frilund.

– Det er viktig å støtta ungdomslaget, og dei gjer ein utruleg fin jobb med arrangement som dette, smiler ho.

– Her er mykje kjentfolk, og god musikk for oss vaksne, avsluttar ho.


DANSEGLAD: Elin Vevatne var ei av dei som tok seg fleire svingomar, her med Per Harald Bakke.
DANSEGLAD: Elin Vevatne var ei av dei som tok seg fleire svingomar, her med Per Harald Bakke.
«MAMMAS ENGLER»: Øystein Schnelle med brør stod for dansemusikken, og fleire og fleire våga seg utpå golvet utover kvelden.
«MAMMAS ENGLER»: Øystein Schnelle med brør stod for dansemusikken, og fleire og fleire våga seg utpå golvet utover kvelden.

Siste saker Gå til framsida