FIN MUSIKK: Brassgruppa i aksjon under eit tidlegare besøk av Ladegården Korps.
FIN MUSIKK: Brassgruppa i aksjon under eit tidlegare besøk av Ladegården Korps.

Frelsesarmeen kjem til Tysnes

Publisert 11.11.2019 kl. 06.00.

Eit fast innslag i Tysnes bedehus om hausten er song- og musikkveld med Ladegården Korps frå Frelsesarmeen. Fredag 15. november tek dei igjen turen til Tysnes.

Som tidlegare slike kveldar står korpset for heile programmet. Dei stiller med brass- og korgruppe, dei held andakt og vitnesbyrd og får med seg alle frammøtte på fellessongen.

Programmet er alltid prega av inspirasjon. I pausen vert det servert god kveldsmat, og folk får eit godt høve til å drøsa, noko som vert sett pris på. Mange har sans for Frelsesarmeen sitt flotte hjelpearbeid, som blir verdsett og viser god resultat. Om nokre veker er det tid for julegrytene, der mange frivillige stiller opp og gjer ein innsats for Frelsesarmeen. Under song- og musikkvelden blir det kollekt med høve til å støtta Frelsesarmeen.

Tysnes bedehuslag håpar på eit godt frammøte, og ynskjer velkomen til ein fin kveld.


Siste saker Gå til framsida

Vil låna ut gratis sportsutstyr

Frivilligsentralen har sendt inn søknad om midlar til innkjøp av sportsutstyr, og har planar om å starta opp gratistilbodet «Bua Tysnes», forhåpentlegvis til sommaren.

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...