NYE RUTER: Tysdag formiddag lanserte Skyss dei nye ferjerutene på Tysnes-sambanda. (Arkivfoto)
NYE RUTER: Tysdag formiddag lanserte Skyss dei nye ferjerutene på Tysnes-sambanda. (Arkivfoto)

Dei nye ferjerutene er klare

I formiddag lanserte Skyss dei nye ferjerutene på sambanda Våge-Halhjem og Jektavik-Nordhuglo-Hodnanes, som trer i kraft 1. januar.
Publisert 19.11.2019 kl. 10.23. Oppdatert kl. 10.25.

«Det er gjort eit omfattande arbeid med nye rutetider for ferjetilbodet og tilpassing av busstilbodet, ikkje minst på bakgrunn av dialog mellom Skyss og kommunane det gjeld», skriv Skyss i ei pressemelding.

Grunna innføring av elferjer og ladetid, vert det ein dagleg rundtur mindre på begge Tysnes-sambanda mellom måndag og fredag. Derimot går dei nye rutene hardare utover helgeavgangane mellom Hodnanes-Jektavik. I dag er det 24 daglege avgangar frå Hodnanes på laurdagar og 23 på søndagar. Frå nyttår vert det derimot berre 19 daglege avgangar frå Hodnanes i helgene.

«Rutene vil bli evaluert utover våren, med moglegheit for gjennomføring av justeringar innanfor økonomiske rammer august 2020 dersom ein ser grunnlag for dette», skriv Skyss i eit brev til Tysnes kommune, som vart sendt saman med dei nye rutene.

LES OGSÅ: Ikkje elferjedrift på Våge-Halhjem frå nyttår




VÅGE-HALHJEM: Slik vert dei nye rutene mellom Våge og Halhjem. (Skyss)
VÅGE-HALHJEM: Slik vert dei nye rutene mellom Våge og Halhjem. (Skyss)
HODNANES-JEKTAVIK-NORDHUGLO: Dei nye rutetabellane gjev spesielt store utslag på helgerutene mellom Hodnanes og Jektavik. (Skyss)
HODNANES-JEKTAVIK-NORDHUGLO: Dei nye rutetabellane gjev spesielt store utslag på helgerutene mellom Hodnanes og Jektavik. (Skyss)
HODNANES-JEKTAVIK-NORDHUGLO 2: Dei nye rutene trer i kraft 1. januar. (Skyss)
HODNANES-JEKTAVIK-NORDHUGLO 2: Dei nye rutene trer i kraft 1. januar. (Skyss)

Siste saker Gå til framsida

Lesarbrev: Bli kjent-fest

Frå tida i skule og utdanning hugsa eg at det ved starten av skulen vart arrangert bli kjent-fest. Intensjonen var at elevane skulle møtast for å bli kjent med kvarandre. Etter å ha budd på Reksteren no dei siste åtte åra, har tanken streifa meg om me skulle ha arrangert slike festar iblant på Reksteren. Eg observerer at det som før var eit fenomen i byar og tettstader – at folk kan bu tett...

Høsttur med Tysnes reiselag

Tradisjonen tro dro Tysnes reiselag innover mot Hardanger for å teste årets smalahove. Det vil si, noen ville teste dette som noen kaller en delikatesse.