JULETONAR: Tysnes kammerkor inviterer til førjulskonsert i Tysnes kyrkje laurdag 30. november. (Foto: Kammerkoret)
JULETONAR: Tysnes kammerkor inviterer til førjulskonsert i Tysnes kyrkje laurdag 30. november. (Foto: Kammerkoret)

Inviterer til førjulskonsert i Tysneskyrkja

Laurdag 30. november inviterer Tysnes kammerkor til førjulskonsert i Tysnes kyrkje.
Publisert 24.11.2019 kl. 14.00.

Med på konserten blir også koret Glimrah frå Kvinnherad. Begge kora skal syngja to avdelingar.

Sissel Clausen i Tysnes kammerkor fortel at kammerkoret vil framføra eit variert repertoar, fyrst og fremst med julesongar, men og med songar som ein kan assosiera med haust og vinter.

– Me har øvd på programmet sidan me starta haustsesongen etter ferien, forklarar Sissel.

Kammerkoret gler seg til samarbeidet med Glimrah, som er eit kor med sju kvinner.

Dei har hatt konsertar og songoppdrag både i Hardanger og i heile Hordaland. Repertoaret spenner frå middelaldersk og renessansetonar, via folkemusikk og romantiske songar fram til samtidsmusikk.

– Me synest det er veldig kjekt at dei kan ta turen til Tysnes, seier Sissel Clausen.

Maria Malmsten Steinkopf er kunstnarleg leiar for Glimrah Vokalemsemble. Ho er utdanna songar og songpedagog, og dirigent for fleire kor.

Tysnes kammerkor skal også opptre på julekonserten til Onarheim musikklag i Onarheimskyrkja søndag 15. desember.

– Der vil me også framføra ein del av programmet vårt, seier Sissel Clausen.


Siste saker Gå til framsida

Vil låna ut gratis sportsutstyr

Frivilligsentralen har sendt inn søknad om midlar til innkjøp av sportsutstyr, og har planar om å starta opp gratistilbodet «Bua Tysnes», forhåpentlegvis til sommaren.

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...