KONTROLL: Torsdag kveld hadde politiet på Tysnes fartskontrollar både i Uggdal og Dallandsbrekka. I Uggdal vart éin teken for høg fart. (Arkivfoto)
KONTROLL: Torsdag kveld hadde politiet på Tysnes fartskontrollar både i Uggdal og Dallandsbrekka. I Uggdal vart éin teken for høg fart. (Arkivfoto)

Responderte på fartsklage med laserkontrollar

Éin bilist blei teken då politiet hadde fartskontroll i Uggdal og Dallandsbrekka torsdag kveld.
Publisert 29.11.2019 kl. 11.00.

– Etter klage frå publikum hadde me laserkontroll i Dallandsbrekka i går kveld, fortel lensmann Terje Sperrevik til «Tysnes».

Måndag kveld opplevde ein innbyggjar i Tysnesbygda villmannskøyring i området, og melde saka til politiet.

Responsen kom med ein gong, og torsdag kveld stod politiet med laser i Dallandsbrekka og sjekka biler i retning Våge.

– Det var ingen som vart tekne for fart her, opplyser Sperrevik.

Etter at politiet var i Dallandsbrekka, drog dei vidare og sette opp ny fartskontroll i 50-sona i Uggdal.

– Her vart 31 bilar kontrollerte, og det kom éin reaksjon, fortel lensmannen.

Han opplyser at patruljen avslutta kontrollen kring 21.00, og at dei hadde vore ute i to-tre timar. Han opnar også for at det kan koma fleire kontrollar i nær framtid.

Sperrevik fortel at det er viktig for politiet å ta innspel frå lokalbefolkninga på alvor.

– Me ynskjer å vera tett på innbyggjarane, og i går hadde me høve til å respondera, avsluttar han.


Siste saker Gå til framsida

Sjå biletdryss frå 10. klasse-showet

På plass i salen under det imponerande 80-talsshowet før helga, var mellom anna Carl Henrik Harbitz-Rasmussen. Han hadde med seg kamera, og knipsa ei rekkje gode bilete som han har delt med oss i «Tysnes». Så anten du fekk med deg showet eller ikkje; her kjem eit lite tilbakeblikk på den kjekke stunda i...