FERDIG PYNTA: Susanna Høviskeland er tidleg på’an med julepyntinga kvart år. Allereie den 19. november stod julegrana ferdig pynta. (Foto: Privat/ Ella Sandra Dahl Berland)
FERDIG PYNTA: Susanna Høviskeland er tidleg på’an med julepyntinga kvart år. Allereie den 19. november stod julegrana ferdig pynta. (Foto: Privat/ Ella Sandra Dahl Berland)

Frisøren på hjul pyntar tidleg til jul

Susanna Høviskeland er tidleg på’an kvart år.
Publisert 29.11.2019 kl. 15.00. Oppdatert kl. 15.31.

19. november stod juletreet ferdig pynta i den ljose, lekre stova til Susanna.

– Eg byrjar å pynta så tidleg fordi eg har ein jobb som frisør på hjul. Desember er tida der alle vil klyppa seg til julebord og julebesøk. Det vil seia at eg har det travelt, både i salongen og ute, fortel ho.


Lidenskap for interiør

Susanna er utdanna frisør og makeup-artist, og teften for interiørdesign lèt seg merka på julepynten.

– Interiør er lidenskapen min, og der kan eg setja mitt eige preg, seier ho.

– Har du fått noko hjelp med dette?

– Dette er noko eg gjer heilt fint sjølv!


Samlar kvart år

Julegrana ho har pynta i år, står som ein stor kontrast til det første juletreet ho pynta då ho kom til Norge. Det var pynta med papirjulestjerner som ho laga sjølv. Heilt sidan ho flytta til Tysnes for ti år sidan, har ho kjøpt tre-fire nye julekuler kvart år.

– Det er framleis ingen kuler på baksida av treet, så eg har mange år att å samla, fortel ho. I år har ho lagt vekk dei raude julekulene, for å ha ein gjennomføring i blass rosa. Også dottera Emilie (5) er glad i rosa, og får pynta sitt eige vesle juletre med rosa pynt.


Tunge minne

Bak det varme smilet og den blide tonen til Susanna, skjuler det seg ei tung fortid.

– Du kan seia at jula ikkje var ei positiv oppleving i min barndom, seier ho.

Difor er jula ekstra heilag for hennar eigen del, men òg fordi ho har ein femåring i hus.

– Eg vil gje barnet mitt den julefeiringa som eg aldri fekk.

Sjølv om det allereie ser veldig gjennomført ut, med julegran, julelykter, julenisser og julelys, er det framleis meir å pynta, ifølgje ho sjølv.

– Eg tek det litt etter litt, éin ting om gongen, smiler ho.


GJENNOMFØRT STIL: Desember blir ein travel månad for Susanna frisør. Då er det godt at juletreet allereie er på plass i stova. (Foto: Ella Sandra Dahl Berland)
GJENNOMFØRT STIL: Desember blir ein travel månad for Susanna frisør. Då er det godt at juletreet allereie er på plass i stova. (Foto: Ella Sandra Dahl Berland)
ANDREA: Denne dokka har Susanna ønskt seg i tre år. Ho heiter Andrea, likar å baka og duftar av sjokolade og vanilje. Andrea skal feira si første jul hjå familien Høviskeland i år. (Foto: Ella Sandra Dahl Berland)
ANDREA: Denne dokka har Susanna ønskt seg i tre år. Ho heiter Andrea, likar å baka og duftar av sjokolade og vanilje. Andrea skal feira si første jul hjå familien Høviskeland i år. (Foto: Ella Sandra Dahl Berland)

Siste saker Gå til framsida

Lesarbrev: Betlehem i Tysnes kyrkje

Måndag var born frå Vågs-marka barnehage på julevandring mot Betlehem for å finna Jesusbarnet – i Tysnes kyrkje.Dei kom og sette seg under stjernehimmelen ved bålet saman med sauene, i midtgangen framme i kyrkja. Borna sat som tente lys då Marit prest fortalde om det som hende i Betlehem på julenatta.Organist Andre Eide spelte, og borna song medan alle gjekk etter Marit for å...