FRYKTLAUSE: Sina Georgsen (11) og Sunniva Olson Aslaksen (11) syntest vinterbading var både vondt og deilig på same tid, men gler seg allereie til neste gong. (Alle foto: Ella Sandra Dahl Berland)
FRYKTLAUSE: Sina Georgsen (11) og Sunniva Olson Aslaksen (11) syntest vinterbading var både vondt og deilig på same tid, men gler seg allereie til neste gong. (Alle foto: Ella Sandra Dahl Berland)

Rekordmange på vinterbading

Tjuefem fryktlause vinterbad-deltakarar hoppa i sjøen ved Mandelhuset i dag.
Publisert 30.11.2019 kl. 14.47. Oppdatert kl. 14.53.

– Det var veldig kaldt! Men det var deilig òg, seier Sunniva Olson Aslaksen (11) som var uti heile tre gongar.

– Det var litt vondt òg, ler ho.

Sina Georgsen (11) hadde hoppa uti éin gong før «Tysnes» spurde dei korleis dette kjennest ut.

– Skal me hoppa fleire gongar? kom det då frå Sina.


Skal vera med kvar gong

Dei var med på vinterbadinga i Våge for første gong, men har tenkt å stilla kvar gong framover.

– Kvifor det?

– Det var jo kjempegøy! svarar dei. – Kor kaldt trur de at det var i vatnet då?

– To grader, tipper Sunniva.

– Eg tipper éin grad, seier Sina.


Overvelda

Christian Nome Lepsøe er kjempefornøgd med det store oppmøtet.

– Eg er heilt overvelda, seier han.

Denne gongen var det heile 25 som deltok.

– Det var elleve sist, seier han, og fortel at det er veldig kjekt å sjå at så mange nye slengjer seg på.


Overraskande «varmt»

– Kva synest du om temperaturen då?

– No kjenner du det i marg og bein, seier han.

Likevel var han uti to gongar, og tippa at temperaturen låg på fire-fem grader.

Den offisielle målinga viste til slutt sju grader, til overrasking for mange. Vinnaren av tippekonkurransen blei Per Verner Aase, som tippa sju og ein halv grader.


REKORD: Heile 25 ivrige og smilande vinterbadarar hoppa i sjøen ved Mandelhuset.
REKORD: Heile 25 ivrige og smilande vinterbadarar hoppa i sjøen ved Mandelhuset.
ÉIN GONG TIL: Primus motor for Tysnes vinterbading, Christian Nome Lepsøe, hoppa uti to gongar før han ga seg.
ÉIN GONG TIL: Primus motor for Tysnes vinterbading, Christian Nome Lepsøe, hoppa uti to gongar før han ga seg.
VARM KAKAO: Michelle Loftskjær og Mathias Bakke varma seg på kakao etter ein frisk dukkert utanfor Mandelhuset. Dei syntest det var forfriskande, og har tenkt å bli med vidare.
VARM KAKAO: Michelle Loftskjær og Mathias Bakke varma seg på kakao etter ein frisk dukkert utanfor Mandelhuset. Dei syntest det var forfriskande, og har tenkt å bli med vidare.

Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...