NYTT MELLOMTRINN: Det gamle mellomtrinnet på Tysnes skule skal rivast. I 2020 tek arbeidet med nytt mellomtrinn til. (Arkivfoto)
NYTT MELLOMTRINN: Det gamle mellomtrinnet på Tysnes skule skal rivast. I 2020 tek arbeidet med nytt mellomtrinn til. (Arkivfoto)

Leigland Bygg får byggja nytt mellomtrinn for 70 millionar

Formannskapet i Tysnes vedtok tysdag 3. desember at Leigland Bygg AS frå Fusa får hovudentreprisen med å byggja det nye mellomtrinnet på Tysnes skule.
Publisert 03.12.2019 kl. 11.37.

Formannskapet i Tysnes vedtok tildelinga av arbeidet i lukka møte.

Hovudentreprisen har ein verdi på omlag 70 millionar kroner. Det er fastsett ein karensperiode på ti dagar. Tysnes kommune har som intensjon å inngå kontrakt i veke 51, mellom 16. desember og 20. desember.

Innleiingsvis melde det seg fem firma til å gje pris på utbygginga: Consto Bergen AS, Engelsen Entreprenør AS, Engevik & Tislevoll AS, J. H. Nævdal Yrkesbygg AS og Leigland Bygg AS.

Innan tilbodsfristen 24. oktober kom det inn pris frå fire leverandørar: Consto Bergen AS, Engevik & Tislevoll AS, J. H. Nævdal Yrkesbygg AS og Leigland Bygg AS.

Etter ei samla vurdering av prisar og gjennomføringsplan er det Leigland Bygg AS som kjem ut som nummer ein, med 9,96 poeng, føre Engevik & Tislevoll med 9,02 poeng, Consto Bergen med 8,90 poeng og J. H. Nævdal med 8,35 poeng.

Leigland Bygg kjem best ut både ved endeleg rangering og med pris.

Leigland har levert ein entreprisekostnad på 69.958.195,-, Engevik & Tislevoll 69.990.000,-, Consto Bergen 75.251.321,- og J. H. Nævdal Yrkesbygg 87.805.711,-.

LES OGSÅ: Møtte interesserte entreprenørar

LES OGSÅ: Eitt steg nærare nytt mellomtrinn


Siste saker Gå til framsida

Lesarbrev: Betlehem i Tysnes kyrkje

Måndag var born frå Vågs-marka barnehage på julevandring mot Betlehem for å finna Jesusbarnet – i Tysnes kyrkje.Dei kom og sette seg under stjernehimmelen ved bålet saman med sauene, i midtgangen framme i kyrkja. Borna sat som tente lys då Marit prest fortalde om det som hende i Betlehem på julenatta.Organist Andre Eide spelte, og borna song medan alle gjekk etter Marit for å...