PRISUTDELING: Trine-Lise Aasen i frivilligsentralen og «stand in»-ordførar Arne Leite overrekte torsdag frivilligprisen til Eli Karin Johnsen.
PRISUTDELING: Trine-Lise Aasen i frivilligsentralen og «stand in»-ordførar Arne Leite overrekte torsdag frivilligprisen til Eli Karin Johnsen.

Vart heidra på frivilligfesten

Torsdag inviterte frivilligsentralen til julefest med utdeling av frivilligprisen til Eli Karin Johnsen.
Publisert 06.12.2019 kl. 15.00. Oppdatert kl. 15.07.

– Eli er ein kjempeflott vinnar, fortel varaordførar Arne Leite.

Det var mange som var full av lovord om frivilligprisvinnar Eli Karin Johnsen, då ho torsdag kveld blei overrekt prisen. Mange deltok på frivilligsentralen sin årlege julefest der prisvinnaren vart heidra.

Varaordføraren var med for å gjera stas på Eli Karin, i sitt fyrste formelle ordføraroppdrag.

– Eg kunne ikkje fått eit betre fyrste oppdrag som reserveordførar, seier han nøgd.


Lovord frå presten

Ei av dei som nytta høvet til å skryta av prisvinnaren, var sokneprest Marit I. Espedalen. Ho var særleg oppteken av det frivillige arbeidet Eli Karin har lagt ned for kyrkja.

– Det som er flott med deg, er at du ikkje skil mellom Kong Salomo og Jørgen Hattemaker, og det er slike jenter kyrkja vil ha, sa ho i talen sin til Eli Karin.

Presten trekte fram kor mykje forskjellig Eli Karin har vore involvert i, og dei initiativa ho har teke. Marit omtala ho som ein «gründar i kyrkja».

– Det var du som foreslo å starta med kaffi etter gudstenesta på søndagar. Eg trur du er den med klart flest kaffikokeoppdrag i kyrkjene på Tysnes, sa soknepresten.

Med på festen var Eli Karin si dotter Anita Olsen. Ho kjente seg godt igjen i skryten mora fekk på festen.

– Det stemmer godt det som blei sagt her. Barnebarna pleier å seia at ho er «alles mormor», fortel Anita.


Frivilligdagen

Arne Leite, som også heldt tale for prisvinnaren, likte godt at prisutdelinga fall på same dag som FN sin internasjonale dag for frivillig arbeid.

– Me er avhengige av frivillige. På Tysnes har me ein frivilligkultur som mange kan misunna oss, og det er det viktig å støtta opp om frå eit politisk hald. Det passar godt å kunna dela ut prisen same dag som det er FN sin dag for frivillige, seier varaordføraren.

– Ein får så mykje igjen for frivillig arbeid, det er trivsel og folkehelse og mykje meir. Denne prisen heng høgt, avsluttar han.





FEST: Mange var samla for å heidra prisvinnaren, samtidig som det var frivilligsentralen sin årlege julemiddag.
FEST: Mange var samla for å heidra prisvinnaren, samtidig som det var frivilligsentralen sin årlege julemiddag.
GODE ORD: Sokneprest Marit I. Espedalen var ei av dei som hadde mange fine ord å seia om prisvinnaren.
GODE ORD: Sokneprest Marit I. Espedalen var ei av dei som hadde mange fine ord å seia om prisvinnaren.
MIDTPUNKT: Prisvinnar Eli Karin Johnsen (i midten) var i hovudfokus torsdag. Til høgre for ho sit dottera Anita Olsen, som syntest det var stor stas at mora vart heidra.
MIDTPUNKT: Prisvinnar Eli Karin Johnsen (i midten) var i hovudfokus torsdag. Til høgre for ho sit dottera Anita Olsen, som syntest det var stor stas at mora vart heidra.
LAS DIKT: Kirsten Nesse heidra prisvinnaren med dikt og lovord.
LAS DIKT: Kirsten Nesse heidra prisvinnaren med dikt og lovord.
FRIVILLIGLEIAR: Også leiar i frivilligsentralen, Per Verner Aase, hadde nokre ord å seia for forsamlinga.
FRIVILLIGLEIAR: Også leiar i frivilligsentralen, Per Verner Aase, hadde nokre ord å seia for forsamlinga.
APPLAUS: Dei frammøtte var rause med applausen for prisvinnaren.
APPLAUS: Dei frammøtte var rause med applausen for prisvinnaren.

Siste saker Gå til framsida

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...

Desse hadde flest turar til Ramnanuten

Frank Hustad har igjen gjort ein stor skrifttydingsjobb, og kome fram til at det var desse 12 som gjekk mest til Ramnanuten i 2019: Ingunn Meland – 81Marita Nygård – 39Frank Hustad – 37Anette Kårstad – 24Kari Lande – 24Mathias Bakke – 23Oliver Fagerbakk – 19May-Lill Bergesen – 19Vibecke M. Gjerstad – 18Morten Bondhus –...