JULEMARKNAD: Jonas Bruntveit (2 1/2) koste seg på julemarknad i Hålandsneset saman med bestemor Bj­­­ørg Helen.
JULEMARKNAD: Jonas Bruntveit (2 1/2) koste seg på julemarknad i Hålandsneset saman med bestemor Bj­­­ørg Helen.

Jonas (2 1/2) koste seg på julemarknad i Hålandsneset

Julemarknaden i Hålandsneset slo godt an.
Publisert 08.12.2019 kl. 15.00.

– Det er fyrste gong me arrangerer julemarknad her, fortel Per Verner Aase.

Og det spørs om det blir den siste. Det var trangt om plassen i grendahuset i Hålandsneset då julemarknaden ble arrangert laurdag. Mange utstillarar viste fram eit breitt utval av varer, og mange var interesserte i å kjøpa, deriblant Bjørg Helen Bjørkelund, som var til stades med barnebarnet Jonas Bruntveit (2 1/2).

– Eg trur det er litt stas for han å vera med på dette. Det er slike ting han hugsar nå han blir eldre, seier Bjørg Helen om Jonas.

Sjølv var han litt for sjenert til å prata med journalisten, men han var veldig engasjert då han og bestemora var rundt på dei ulike borda og såg på varene som var til sals.


Lokal produsent

Ein av dei som fekk vist fram, og seld varene sine, var Anders Lundevold. For snart to år sidan starta han opp som heiltids sauebonde, men det var ikkje produkt frå sauene som var i fokus på bordet hans. Det var derimot den lokalproduserte honningen hans.

– Det varierer frå år til år kor mykje ein kan produsera. Er det ein fin sommar så kan ein få mykje honning. I år har eg vel 40 kilo som skal seljast, seier Anders.

Han fortel at honningen hans er populær blant dei lokale innbyggjarane i området.

– Eg sel ein del rundt i bygdene i løpet av hausten. Mange kjøper gjerne for å gje vidare som julepresang, fortel han.


Stod for maten

I tillegg til utstillarane, var også maten populær på julemarknaden. Både årrullane til Pattama Holtan og vaflane til Madelen Lillesletten Hillesvik gjekk unna.

– Det er gøy å steika vaflar når det er så mange som kjøper, fortel Madelen.

Også vårrullane var populære.

– Dei går unna. Det er mange som vil ha, seier Pattama.



HONNINGPRODUSENT: Mange var interesserte i den lokalproduserte honningen til Anders Lundevold.
HONNINGPRODUSENT: Mange var interesserte i den lokalproduserte honningen til Anders Lundevold.
FULLT HUS: Julemarknaden i Hålandsneset blei ein suksess, og dei skulle gjerne hatt større lokale for å ta imot alle besøkande.
FULLT HUS: Julemarknaden i Hålandsneset blei ein suksess, og dei skulle gjerne hatt større lokale for å ta imot alle besøkande.
PÅ KJØKENET: Madelen Lillesletten Hillesvik hadde ansvar for vaffelsteikinga, medan Pattama Holtan stilte med heimelaga vårrullar.
PÅ KJØKENET: Madelen Lillesletten Hillesvik hadde ansvar for vaffelsteikinga, medan Pattama Holtan stilte med heimelaga vårrullar.
KNIVMAKER: Wilfred Sætre har hatt knivmaking som hobby i mange år, og stilte ut knivene på julemarknaden. Kona Liv hadde med flotte strikka klede.
KNIVMAKER: Wilfred Sætre har hatt knivmaking som hobby i mange år, og stilte ut knivene på julemarknaden. Kona Liv hadde med flotte strikka klede.

Siste saker Gå til framsida

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...

Desse hadde flest turar til Ramnanuten

Frank Hustad har igjen gjort ein stor skrifttydingsjobb, og kome fram til at det var desse 12 som gjekk mest til Ramnanuten i 2019: Ingunn Meland – 81Marita Nygård – 39Frank Hustad – 37Anette Kårstad – 24Kari Lande – 24Mathias Bakke – 23Oliver Fagerbakk – 19May-Lill Bergesen – 19Vibecke M. Gjerstad – 18Morten Bondhus –...