NISSEMARSJ: Evelin Vevatne Tønnesen var blant dei som fekk møta julenissen i Lunde.
NISSEMARSJ: Evelin Vevatne Tønnesen var blant dei som fekk møta julenissen i Lunde.

Fekk møta nissen i Lunde

Nissemarsjen i Lunde kan fort bli ein fast tradisjon i bygda.
Publisert 08.12.2019 kl. 12.38.

– Me planlagde graut for 50-60 personar, så det må i alle fall ha vore så mange med, fortel Anne Kristi Alfstad.

Ho stod sjølv og delte ut graut etter nissemarsjen i Lunde laurdag kveld.

Stemningsfullt fakkellys, hester og besøk av julenissen skapte julestemning for store og små som gjekk rundturen i Lunde, med start og slutt ved Lunde senter.

– Nissemarsj har me ikkje hatt på mange år, og bygdelaget tenkte at det ville vera kjekt å arrangera ein slik samlingsstund, seier Anne Kristi.


For barna

Mange familier tok turen ut i vintermørket, deriblant Oddrun Gravdal med sonene Markus (3) og Aleksander (5).

– Det var ein kjempekjekk tur, seier Oddrun.

Høgdepunktet for gutane var å møta julenissen halvvegs på turen.

– Eg fekk denne av julenissen, fortel Markus, og viser fram godteriet han fekk av nissen.

Også Juniane Vevatne Lunde tok turen med sin familie.

– Det var veldig koseleg, og eit kjempebra tiltak, fortel ho.

Barna hennar, Tilde og Evelin, var også godt nøgde med turen.

– Ungane gledde seg heile dagen. Me droppa fjelltur i dag for å vera med på dette, avsluttar Juniane.


Masse folk

Etter marsjen var det servering av graut i Kulturstovo, og mange forsynte seg frå gryta til Anne Kristi. Ho var strålande nøgd med oppslutninga på nissemarsjen.

– Det var veldig bra, og det verka som det var gøy for barna, fortel ho.

– Det kan godt hende dette blir ein tradisjon, avsluttar ho.







STEMNING: Eit par hestar var med og sette stemninga på nissemarsjen.
STEMNING: Eit par hestar var med og sette stemninga på nissemarsjen.
LYS: Fakkeltoget lyste opp Lunde laurdag kveld.
LYS: Fakkeltoget lyste opp Lunde laurdag kveld.
PÅ TUR: Oddrun Gravdal og sonen Markus koste seg på tur.
PÅ TUR: Oddrun Gravdal og sonen Markus koste seg på tur.
NISSEN: Julenissen var populær blant dei yngste.
NISSEN: Julenissen var populær blant dei yngste.
NY TRADISJON?: Det er lenge sidan sist det ble arrangert nissemarsj i Lunde.
NY TRADISJON?: Det er lenge sidan sist det ble arrangert nissemarsj i Lunde.
HEST: Lucas Flatråker Tønnessen sette pris på å ha med hesten i fakkeltoget.
HEST: Lucas Flatråker Tønnessen sette pris på å ha med hesten i fakkeltoget.
MAT: Anne Kristi Alfstad serverte graut etter marsjen.
MAT: Anne Kristi Alfstad serverte graut etter marsjen.
ARRANGEMENT: Det er bygdelaget i Lunde som har teke initiativ til arrangementet.
ARRANGEMENT: Det er bygdelaget i Lunde som har teke initiativ til arrangementet.

Siste saker Gå til framsida

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...

Desse hadde flest turar til Ramnanuten

Frank Hustad har igjen gjort ein stor skrifttydingsjobb, og kome fram til at det var desse 12 som gjekk mest til Ramnanuten i 2019: Ingunn Meland – 81Marita Nygård – 39Frank Hustad – 37Anette Kårstad – 24Kari Lande – 24Mathias Bakke – 23Oliver Fagerbakk – 19May-Lill Bergesen – 19Vibecke M. Gjerstad – 18Morten Bondhus –...