JULEKONSERT: For fjerde gong heldt Inger Lise Hope julekonsert på Mandelhuset.
JULEKONSERT: For fjerde gong heldt Inger Lise Hope julekonsert på Mandelhuset.

– Neste år blir det ein tradisjon

Inger Lise Hope er blitt fast inventar på Tysnes i førjulstida. Søndag opna ho juleturnéen sin med å spela på Mandelhuset.
Publisert 09.12.2019 kl. 12.05. Oppdatert 10.12.2019 kl. 08.05.

– Er det ikkje etter fem år at ein kan kalla noko ein tradisjon? spør Inger Lise Hope etter julekonserten på Mandelhuset søndag kveld.

For fjerde år på rad fylte ho Mandelhuset med julestemning, og ho ynskjer heilt klart at det ikkje skal bli siste gong.

– Neste år blir det ein tradisjon, seier ho nøgd.


Kjente og kjære julesongar

Som i fjor tok Inger Lise Hope med seg fullt band til julekonserten. Samspelet mellom Hope på vokal, Svein André Olsen på gitar, Petru Popa på piano, Theodor Barsnes Onarheim på bass og Jørgen Helliesen på trommer var fullkome, og publikum fekk servert kjente og kjære julesongar.

Hope sjølv uttrykte eit brennande engasjement for julemusikk.

– Det er alltid vanskeleg å velja ut julesongar til julekonsertane, fordi eg elskar julemusikk. Men éin låt har eg alltid med, for det er min ultimate «koma i julestemning»-låt, sa ho til publikum før ho sette i gang med klassikaren «The Christmas Song».

Vidare i konserten kom både norske og internasjonale songar som «Vi Tenner Våre Lykter», «Baby It’s Cold Outside», «Deilig Er Jorden», «Home For Christmas» og «O Helga Natt».


Rørt publikum

Hope og bandet fekk ståande applaus, og reaksjonane frå publikum var tydelege. Fleire vart rørt til tårer av songprestasjonane.

– Eg blir rørt sjølv. Det er eit så utruleg fint publikum her på Tysnes, fortel artisten.

Ho har sjølv tette band til Tysnes. Ho har aner frå Hope på Reksteren, og foreldra har nyleg flytta til Tysnes. Det gjer konsertane på Mandelhuset ekstra spesielle.

– Eg har blitt kjempeglad i Tysnes, og er her ofte. Det er veldig kjekt å kunna opna juleturnéen her, seier Hope, som kjem tilbake til Tysnes om kort tid.

– Eg skal feira jul hos svigerforeldra, men så blir det til Tysnes igjen i romjula, avsluttar ho.


Siste saker Gå til framsida

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...

Desse hadde flest turar til Ramnanuten

Frank Hustad har igjen gjort ein stor skrifttydingsjobb, og kome fram til at det var desse 12 som gjekk mest til Ramnanuten i 2019: Ingunn Meland – 81Marita Nygård – 39Frank Hustad – 37Anette Kårstad – 24Kari Lande – 24Mathias Bakke – 23Oliver Fagerbakk – 19May-Lill Bergesen – 19Vibecke M. Gjerstad – 18Morten Bondhus –...