SPENNANDE: Bjørn Helge Epland i Tysnes musikklag gler seg til å halda den tradisjonelle julekonserten i Tysnes kyrkje på laurdag. Her frå julekonserten i fjor. (Arkivfoto)
SPENNANDE: Bjørn Helge Epland i Tysnes musikklag gler seg til å halda den tradisjonelle julekonserten i Tysnes kyrkje på laurdag. Her frå julekonserten i fjor. (Arkivfoto)

Inviterer til tradisjonskonsert med ein vri

Laurdag inviterer Tysnes musikklag til julekonsert i Tysnes kyrkje, tradisjonen tru. Men denne gongen får tradisjonskonserten ein liten vri.
Publisert 10.12.2019 kl. 14.51.

– Det blir litt spennande, for me har stabla saman eit mannskor, seier Bjørn Helge Epland i julekonsert-komiteen.

– Det er akkurat fire år sidan sist me prøvde oss på eit mannskor, og det gjekk veldig fint. Så det prøver me igjen i år, og me er cirka tjue mann. Alle saman er gira på å prøva på nytt att, og eg trur at me kan greia å presentera eit fint program, meiner Epland.


Gode solistar og vettuge ord

Han lovar elles ei oppleving i heilt tradisjonell stil, slik musikklaget har gjennomført konserten i 40 år.

– I år har me lokale krefter med oss, og gler oss veldig over at skulekorpset deltek. Me har gode song-solistar, seier han og røper at Maren Leite og Marthe Stien er blant desse.

– Og naturlegvis har me med fleire instrumentalsolitar frå korpset, fortel han.

Stordaprest Jørgen Knudsen vil òg vera til stades for å seia nokre vettuge ord.


Viktig prioritering

Epland fortel at julekonserten er noko som musikklaget set høgt på prioriteringslista si kvart år.

– Me prioriterer dette høgt på programmet, for me veit at folk tek vel imot oss, seier han.

– Eg håpar at mange kjem til kyrkja for å høyra ein fin, tradisjonell julekonsert, avsluttar han.


Siste saker Gå til framsida

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...

Desse hadde flest turar til Ramnanuten

Frank Hustad har igjen gjort ein stor skrifttydingsjobb, og kome fram til at det var desse 12 som gjekk mest til Ramnanuten i 2019: Ingunn Meland – 81Marita Nygård – 39Frank Hustad – 37Anette Kårstad – 24Kari Lande – 24Mathias Bakke – 23Oliver Fagerbakk – 19May-Lill Bergesen – 19Vibecke M. Gjerstad – 18Morten Bondhus –...