JULENISSE: Mange born koste seg på julemarknaden i Kulturløo på Drange. Spesielt kjekt var det å helsa på julenissen.
JULENISSE: Mange born koste seg på julemarknaden i Kulturløo på Drange. Spesielt kjekt var det å helsa på julenissen.

Over 100 var på julemarknad i Kulturløo

Nissejakt, juleverkstad og hest og kjerre stod på programmet då familien Drange arrangerte sin årlege julemarknad laurdag.
Publisert 10.12.2019 kl. 13.34.

– Me passerte i alle fall 100 besøkande, fortel Kari Drange.

Laurdag var det duka for ny julemarknad i Kulturløo på Drange, og Kari og Helge Drange har aldri hatt så mange besøkande på julemarknaden. Dei er vane med at mange kjære og kjente tek turen frå Bergen og omegn for å besøka Kulturløo, men no begynner også lokale tysnesingar å få auga opp for førjulsarrangementet.

– Til å begynna med så var det mest familie og vener som kom. Det er veldig kjekt at så mange lokale også tek turen, seier Helge.


Familiearrangement

Både Kari og Helge var strålande nøgd med gjennomføringa av julemarknaden. Det var mange spennande aktiviteter for både små og store.

– Me liker å prøva litt nye ting. I år var det fyrste gong me har hatt med hest og kjerre, fortel Helge.

For dei yngste deltakarane var det mykje å gjera. I tillegg til tur med hest og kjerre var det juleverkstad med høve til å måla og laga julepynt, mating av sauer, og leiting etter julenissen i løo, som nok var det aller mest populære blant barna. Nissen vart funnen, og han hadde med ein liten godtepose til alle barna.

To av dei som fann roen i juleverkstaden i kjellaren var Solveig Espeseth Pettersen (12) og Halldis Isobel Steinseth Holmedal (9) frå Askøy.

– Me lager julepynt, fortel Solveig.

Ho målar eit nisseansikt på ein liten rund trebit. Øvst på trebiten var det eit hol som ho tredde ei tråd gjennom.

– Den kan henga på juletreet, seier ho.

Halldis Isobel var i gang med eit liknande prosjekt, men med ein tvist.

– Ansiktet på denne vart visst opp-ned, fortel ho.


Julestemning

– Det er heilt eventyrleg at så mange kom, og at så mange barn var med. Det er slik me har lyst at det skal vera. Det skal vera eit familiearrangement, fortel Kari i det marknaden er i ferd med å gå mot slutten.

Ho håpar mange fekk med seg litt julestemning frå Drange.

– Her kan ein koma og få litt gløgg og peparkaker, og god julestemning, seier ho.

Kari og Helge set stor pris på at fleire tek intiativ til å bidra til julemarknaden, og trekkjer fram naboane som stilte med hest, og Arne Kleppe og Helge Olav Instøy som hadde musikalske innslag.

– Plutseleg kom Arne og Helge Olav og spurde om ikkje dei kunne vera med og spela litt. Det set me veldig pris på, fortel Helge.







LANGVEGSFRÅ: Solveig Espeseth Pettersen (12) og Halldis Isobel Steinseth Holmedal (9) kom frå Askøy for å vera med på julemarknaden.
LANGVEGSFRÅ: Solveig Espeseth Pettersen (12) og Halldis Isobel Steinseth Holmedal (9) kom frå Askøy for å vera med på julemarknaden.
HEST OG KJERRE: Nytt av året var at borna kunne få seg ein tur med hest og kjerre.
HEST OG KJERRE: Nytt av året var at borna kunne få seg ein tur med hest og kjerre.
SAUEMATING: Mange følgde med då Helge Drange mata sauane på garden.
SAUEMATING: Mange følgde med då Helge Drange mata sauane på garden.
GRILLING: Ein av nissen sine gode hjelparar, Lars Drange, fyrte opp bålpanna og grilla pølser til dei som ville ha.
GRILLING: Ein av nissen sine gode hjelparar, Lars Drange, fyrte opp bålpanna og grilla pølser til dei som ville ha.
MUSIKK: Arne Kleppe og Helge Olav Instøy deltok på marknaden, både med minikonsert i kjellaren, og ei framføring av «På Låven Sitter Nissen» for dei yngste.
MUSIKK: Arne Kleppe og Helge Olav Instøy deltok på marknaden, både med minikonsert i kjellaren, og ei framføring av «På Låven Sitter Nissen» for dei yngste.
UTSTILLING: Meir enn ti utstillarar bidrog med flotte produkt til sals.
UTSTILLING: Meir enn ti utstillarar bidrog med flotte produkt til sals.
REKORDFRAMMØTE: Gjengen på Drange var overraska over kor mange som kom. Det gjorde at det blei trangt om plassen i kjellaren i Kulturløo.
REKORDFRAMMØTE: Gjengen på Drange var overraska over kor mange som kom. Det gjorde at det blei trangt om plassen i kjellaren i Kulturløo.
UTDELING: Julenissen hadde med gåver til alle borna.
UTDELING: Julenissen hadde med gåver til alle borna.

Siste saker Gå til framsida

Alex Lunde blir ny regiondirektør i Norconsult

Etter ein prosess med mange gode søknadar, frå både interne og eksterne kandidatar, er det no klart at Alex Lunde får jobben som direktør for region vest i Norconsult. Han er eit kjent fjes for mange tysnesingar ettersom han har slektsrøter her, og ofte legg turen til Tysnes når han har fri. Alex Lunde tek over direktørjobben etter Jens Kvarekvål, som skal fortsetja med andre spennande...

Desse hadde flest turar til Ramnanuten

Frank Hustad har igjen gjort ein stor skrifttydingsjobb, og kome fram til at det var desse 12 som gjekk mest til Ramnanuten i 2019: Ingunn Meland – 81Marita Nygård – 39Frank Hustad – 37Anette Kårstad – 24Kari Lande – 24Mathias Bakke – 23Oliver Fagerbakk – 19May-Lill Bergesen – 19Vibecke M. Gjerstad – 18Morten Bondhus –...